Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

ធ្លាក់ឧទ្ធម្ភាគចក្រយោធានៅរុស្ស៊ី​ស្លាប់ ៣នាក់

ក្រសួងការពារជាតិរុស្ស៊ី បានប្រកាសថា ឧទ្ធម្ភាគចក្រមួយគ្រឿង ប្រភេទ​ Mi-8 ​របស់កម្លាំងទាហានអាកាសប្រទេសនេះ បានធ្លាក់​នៅជាយក្រុងមូស្គូ កាលពីថ្ងៃ ទី​១៩ ខែឧសភា ខណ:កំពុងហោះហើរហ្វឹកហាត់។ គ្រោះថ្នាក់ខាងលើបានបណ្តាលឲ្យអ្នកនៅលើឧទ្ធម្ភាគចក្រទាំងអស់ស្លាប់។

សារព័ត៌មាន​ AFP ​បានផ្សាយថា ក្រសួងការពារជាតិរុស្ស៊ី​បាន​ប្រកាសពីគ្រោះថ្នាក់ខាងលើ ប៉ុន្តែមិនបានបញ្ជាក់ពីមូលហេតុណ្តាលឲ្យគ្រោះថ្នាក់នោះឡើយ។ ជាមួយគ្នានេះដែរ គេមិនបានបញ្ជាក់ថា មានមនុស្សប៉ុន្មាននាក់នៅលើឧទ្ធម្ភាគចក្រ ត្រូវ​បាត់បង់ជីវិតនោះឡើយ​។

បើតាមប្រភពព័ត៌មាននានា ក្នុងប្រទេសរុស្ស៊ី​ ដែលបានដកស្រង់ព័ត៌មានពីក្រសួងគ្រប់គ្រងគ្រោះអាសន្ន បានបញ្ជាក់ថា គ្រោះថ្នាក់ខាងលើបានបណ្តាលឲ្យមនុស្ស​៣នាក់ស្លាប់ ។

ឧទ្ធម្ភាគចក្រ មិនបានដឹកគ្រាប់រំសេវទៅជាមួយនោះឡើយ ហើយវាបានធ្លាក់ នៅវេលាម៉ោង២០ ថ្ងៃទី១៩ ខែឧសភា (ម៉ោងក្នុងតំបន់)។ គ្រោះថ្នាក់នេះបានកើតឡើង នៅតំបន់ដាច់ស្រយាល មាន​ចម្ងាយពីស្រុក​ Klin ​ជាជាយក្រុងមូស្គូ ប្រហែល២០គីឡូម៉ែត្រ។ បើតាមការសន្និដ្ឋានជាបឋម មូលហេតុ​​បណ្តាលឲ្យគ្រោះថ្នាក់ គឺអាចដោយសារបញ្ហាបច្ចេកទេស។ ប្រែសម្រួលដោយ៖ MEO

from: https://tnaot.com/km/m/detail/article/9233214