Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

បើកបរលើផ្លូវហាមឃាត់ រថយន្ត ០៣គ្រឿង ត្រូវសមត្ថកិច្ចឃាត់ចាប់

អាជ្ញាធររដ្ឋបាលក្រុងព្រះសីហនុ បានធ្វើការឃាត់ចាប់រថយន្តធុនធំដឹកដី-ខ្សាច់ចំនួន ០៣គ្រឿង យកទៅរក្សាទុកនៅសាលាក្រុង ក្រោយបើកបរឡើងចុះតាមផ្លូវបេតុង (ឧកញ៉ាគុយណាត) ពីស្ថានីយប្រេងឥន្ធនៈតូតាល់ឃ្លាំងលើ មកសង្កាត់លេខ៤ ខណៈដែលអាជ្ញាធរហាមឃាត់មិនឱ្យរថយន្តធំបើកបរឆ្លងកាត់ ដោយសារតែជាផ្លូវចំណោតកើតមានគ្រោះថ្នាក់រថយន្តធំដាច់ហ្វ្រាំង បង្កគ្រោះថ្នាក់ជាបន្តបន្ទាប់នាពេលកន្លងមក។

ទោះជាយ៉ាងនេះក្តីបើតាមមន្ត្រីសាលាក្រុងបានប្រាប់ឱ្យដឹងថា រថយន្តធំដែលឆ្លងកាត់ចំណែកផ្លូវនេះបានខ្លះ លើកលែងតែមានការអនុញ្ញាតក្នុងករណីពិសេសដូចជារថយន្តដឹកសំរាម ឬ ដឹកសម្ភារសំណង់ជាដើម ដែលចេញចូលជិតៗដើមផ្លូវ ប៉ុន្តែមិនអនុញ្ញាតឱ្យបើកបរឆ្លងកាត់ផ្លូវចំណោតនេះទាំងស្រុងឡើយ៕ ដោយ ៖ សុង យូ

from: https://tnaot.com/km/m/detail/article/9232545