ឥណ្ឌា និងបង់ក្លាដែស ​បានចាប់ផ្តើម​ជម្លៀសប្រជាពលរដ្ឋ​ជាង​២លាននាក់​​ ចេញពីខ្យល់ព្យុះ Amphan ដែលវាយប្រហារ​ នៅតំបន់ឈូងសមុទ្រ នៃប្រទេស​ទាំងពីរ​​ ។ 

ភ្នាក់ងារអាកាសធាតុ​ឥណ្ឌា​ បញ្ជាក់ថា ខ្យល់ព្យុះស៊ីក្លន​នេះ ល្បឿនធ្វើដំណើរ​របស់វា ប្រហែល​២៦៥គីឡូម៉ែត្រ​ក្នុងមួយម៉ោង កំពុងវាយប្រហារចូល ដល់តំបន់ឈូងសមុទ្រ Bengal កាលពី​ព្រលប់ ថ្ងៃទី​១៨ ខែឧសភា ឆ្នាំ២០២០ ។ នៅថ្ងៃពុធទី ២០ ខែឧសភា ខ្យល់ព្យុះនេះ នឹងមកដល់​ដីគោកប្រទេសឥណ្ឌា ។

ប្រភពបន្តថា នៅពេលវា​បក់បោក​មកដល់​ដែនគោកឥណ្ឌា រដ្ឋភាគខាងកើត និង​នៅភាគខាងត្បូង និងភាគនិរតី​ឈូងសមុទ្ររបស់ប្រទេស​បង់ក្លាដែសនោះ ឥទ្ធិពលរបស់ស៊ីក្លន​ Amphan នេះ បានថមថយកម្លាំងចុះនោះទេ ប្រហែល​២០០គីឡូម៉ែត្រ​ក្នុងមួយម៉ោង ។ 

ខ្យល់ព្យុះនេះ​ត្រូវបានចាត់ទុកថាជាខ្យល់ព្យុះកម្លាំងខ្លាំងបំផុត​បក់បោក​ចូលឈូងសមុទ្រឥណ្ឌា​ក្នុងអំឡុងឆ្នាំថ្មីៗនេះ ​។ ឥណ្ឌាបានជម្លៀសខ្លួនប្រជាជនជាង ២០០ ០០០ នាក់ទៅរកជម្រកមានសុវត្ថិភាព ។ 

នៅប្រទេសបង់ក្លាដែសវិញ មានការព្រមានពលរដ្ឋ​ឲ្យប្រុងប្រយ័ត្នចំពោះខ្យល់ព្យុះ​មួយនេះ ហើយអាចក្លាយជាខ្យល់ព្យុះដ៏មហន្តរាយបំផុត​ចាប់តាំងពីខ្យល់ព្យុះ Sidr ដែលវាយប្រហារ​បង់ក្លាដែស​ ក្នុងខែវិច្ឆិកា ឆ្នាំ២០០៧ សម្លាប់មនុស្សជាង ៣ ០០០ នាក់ ។ 

មន្ត្រីគ្រប់គ្រង​គ្រោះមហន្តរាយ​បង់ក្លាដែស​អះអាងថា ពលរដ្ឋរស់នៅតាមវាលទំនាប​ប្រហែល​២លាននាក់ ត្រូវជម្លៀស​ទៅរកទីកន្លែងមានសុវត្ថិភាព ហើយថា ជំរំសុវត្ថិភាពបណ្តោះអាសន្ន​សម្រាប់មនុស្សជាង​៥លាននាក់​​ ជាតម្រូវការសរុបសម្រាប់អ្នកភៀសខ្លួន ។ សាលារៀនជាង​៧ពាន់កន្លែង​ត្រូវបានប្រើប្រាស់ និងតង់បណ្តោះអាសន្ន​ប្រហែល ១២ ០៧៨​កន្លែង ត្រូវបានបង្កើតឡើងសម្រាប់ជនជម្លៀសខ្លួនទាំងនោះ ៕ ប្រែសម្រួលដោយ៖ thach yat

from： https://tnaot.com/km/m/detail/article/9230516