ប្រធានាធិបតី និងប្រធានរដ្ឋសភាឥណ្ឌូនេស៊ី នឹងទៅកាន់តុលាការរដ្ឋធម្មនុញ្ញ ពាក់ព័ន្ធបទបញ្ជាលេខ​០១ ឆ្នាំ​២០២០ ស្តីពីការដោះស្រាយវិបត្តិពាក់ព័ន្ធនឹងកូវីដ​១៩។

តុលាការធម្មនុញ្ញឥណ្ឌូនេស៊ី​ កាលពីថ្ងៃ ទី១៨ ខែឧសភា បានចេញលិខិតកោះហៅប្រ​ធានាធិបតី និង ប្រធានរដ្ឋសភា មកសួរនាំ​ពាក់ព័ន្ធនឹងការដោះស្រាយស្ថានភាពកូវីដ​១៩។ ការសាកសួរនឹងធ្វើឡើង នៅថ្ងៃទី​២០ ខែឧសភា ដើម្បីឲ្យប្រធានាធិបតី បកស្រាយ​ពាក់ព័ន្ធបទបញ្ជាលេខ១ ឆ្នាំ២០២០ របស់រដ្ឋាភិបាល ជំនួសច្បាប់​ Perppu ។ នៅក្នុងបទបញ្ជានោះ​ មានគោលនយោបាយ សេដ្ឋកិច្ច និងស្ថិរភាពប្រព័ន្ធហិរញ្ញវត្ថុ ក្នុងការ​ដោះស្រាយវិបត្តិពាក់ព័ន្ធកូវីដ១៩ ​ដែលបានអនុម័ត កាលពីថ្ងៃទី​៣១ ខែមីនា ឆ្នាំ២០២០។

អ្នកសម្របសម្រួល នៃសហគមន៍ប្រឆាំងអំពើពុករលួយឥណ្ឌូនេស៊ី (MAKI) លោក​ Boyamin Saiman ​បានបញ្ជាក់ថា​​ អ្នកដែលដាក់លិខិតស្នើប្រធានាធិបតិ​ Joko Widodo និងប្រធានរដ្ឋសភា​ លោកស្រី​ Puan  មិនត្រូវអវត្តមាន នៅក្នុងការកោះហៅឲ្យបំភ្លឺរបស់តុលាការធម្មនុញ្ញនោះឡើយ។

នៅក្នុងលិខិតកោះហៅ​របស់តុលាការធម្មនុញ្ញ​ ក្នុងករណីប្រធានាធិបតី អវត្តមាន គឺរដ្ឋមន្ត្រីទទួលបន្ទុកច្បាប់ និងសិទ្ធិមនុស្សឥណ្ឌូនេស៊ី ព្រមទាំងរដ្ឋមន្ត្រីហិរញ្ញវត្ថុ​ ត្រូវតែបកស្រាយបំភ្លឺជំនួសវិញ៕ ប្រែសម្រួលដោយ៖ MEO

from： https://tnaot.com/km/m/detail/article/9229379