យោងតាមសារព័ត៌មាន The star បានចុះផ្សាយ នៅថ្ងៃទី១៨ ខែឧសភា ថា អ្នកវិទ្យាសាស្រ្ដ នៃសាកលវិទ្យាល័យ Cambridge បានរកឃើញថា មានភស្ដុតាងយ៉ាងពិតប្រាកដ បានបង្ហាញថា វីរុស SARS-Cov-2 ឬកូរ៉ូណាវីរុសប្រភេទថ្មី ដែលហៅកាត់ កូវីដ១៩ មិនមានដើមកំណើត នៅក្នុងទីក្រុងវូហាន ខេត្តហ៊ូប៉ី នាភាគកណ្ដាល នៃប្រទេសចិន ​នោះទេ។

បើតាមការចុះផ្សាយ នៅក្នុងព្រឹត្ដិបត្រ Journal Proceedings of the National Academy of Sciences of the USA កាលពីពេលថ្មីៗនេះ លោក​ Peter Forster និងមិត្ដភក្ដិ បានបង្ហាញនៅក្នុងការស្រាវជ្រាវបុរាណវិទ្យា ​នៅឯសាកលវិទ្យាល័យ Cambridge បានថ្លែងថា គាត់បានរកឃើញបណ្ដាញមេរោគសំខាន់ៗ ចំនួន៣ប្រភេទ រួមមាន​ A, B និង C ។ ប្រភេទ A និង C ត្រូវបានរកឃើញ នៅក្នុងសមាមាត្រសំខាន់ៗ នៅអឺរ៉ុប និងអាមេរិក។ ផ្ទុយទៅវិញ ប្រភេទ B ជាប្រភេទសាមញ្ញបំផុត នៅក្នុងអាស៊ីបូព៌ា។

បើយោងតាមការស្រាវជ្រាវរបស់អ្នកវិទ្យាសាស្រ្ដខាងលើ បានឲ្យដឹងថា ប្រភេទ A គឺជាទម្រង់ដែលត្រូវបានរកឃើញ ស្រដៀងគ្នាទៅនឹងមេរោគ SARS-Cov-2  ត្រូវបានរកឃើញ នៅក្នុងសត្វប្រចៀវ ប៉ុន្ដែវាមិនមែនជាប្រភេទកើត នៅក្នុងទីក្រុងវូហាននោះទេ។ រីឯរូបសំណាកចំនួន២៣ ដែលកើតពីវូហាន មានតែ៣ប៉ុណ្ណោះ ជាប្រភេទ A ហើយរូបសំណាកផ្សេងទៀត ជាប្រភេទ B ក៏អាចបម្រែបម្រួល មកពី A ខ្លះៗផងដែរ។

បើទោះជាការស្រាវជ្រាវយ៉ាងដូច្នេះក្ដី ក៏មានប្រទេសរហូតដល់ទៅ៦២ បានគាំទ្រដល់អូស្រ្ដាលី និងអឺរ៉ុប ស្នើឲ្យមានការស្រាវជ្រាវ ដោយឯករាជ្យពីកូវីដ១៩។ ដោយឡែកអាមេរិកវិញ ដែលជាអ្នកចោទដំបូងគេថា កូវីដ១៩បានលេចចេញពីមន្ទីរពិសោធន៍របស់ចិន នៅមិនទាន់មានប្រតិកម្មអ្វីនោះឡើយ។

វីរុសកូវីដ១៩នេះ បានផ្ទុះឡើងដំបូង នៅទីក្រុងវូហាន ខេត្តហ៊ូប៉ី នាភាគកណ្ដាល នៃប្រទេសចិន។ ប៉ុន្ដែបើគិតមកដល់ថ្ងៃទី១៨ ខែឧសភា ឆ្នាំ២០២០ មេរោគដ៏កាចសាហាវនេះ បានរាតត្បាតពាសពេញពិភពលោក ដោយមានអ្នកឆ្លង បន្ដកើនឡើង ៤ ៨១៨ ០២៥នាក់ ក្នុងនោះស្លាប់ ៣១៦ ៩២៥នាក់ និងជាសះស្បើយ ១ ៨៦៣ ៨៧០នាក់៕ ប្រែសម្រួលដោយ Nuon 

from： https://tnaot.com/km/m/detail/article/9227043