នុងចំណោមតារាប្រុសថៃទាំង៤នាក់នេះ ប្រិយមិត្តខ្លះប្រាកដជាបានស្គាល់ហើយ ព្រោះពួកគេសុទ្ធតែ​ជាគ្រាប់​ពេជ្រទឹក​ល្អរបស់​ទូរ​ទស្សន៍​ថៃ​ប៉ុស្តិ៍​លេខ​៣​។

ទោះបីជាតារាជំនាន់ក្រោយ ថែមទាំងមានវ័យនៅក្មេងពិតមែន តែសមត្ថភាព កោសល្យសម្ដែង​របស់​តារា​ប្រុស​ទាំង​​ ៤​នេះ ​ពិត​ជា​មិន​អន់​ចាញ់​រៀម​​ច្បង​មុនៗ​ប៉ុន្មាន​ឡើយ ​ដោយប្រើរយៈពេលមិនប៉ុន្មានផង ក៏អាចប្រមូលយក​ប្រជា​ប្រិយ​ភាព ​ពាក្យ​កោត​សរសើរ​បាន​យ៉ាង​ក្រាស់​ក្រែល​ពី​អ្នក​គាំទ្រ ​រហូត​បច្ចុប្បន្ន​ពួក​គេ​បាន​ក្លាយជាអាយដល ក្នុងដួងចិត្តអ្នកគាំទ្រ​ជា​ច្រើន​​ស្ទើរ​គ្រប់​វ័យ​។

តើតារាប្រុសថៃទាំង៤ដួងនោះ មាននរណាខ្លះ? សូមទស្សនាដូចខាងក្រោម៖

១. តារាសម្ដែង Pon Nawasch

ជាតារាវ័យក្មេងជំនាន់ក្រោយទេ តែពេលនេះ Pon Nawasch បានសាងកេរ្តិ៍ឈ្មោះយ៉ាងល្បីល្បាញខ្លាំង ហ្វេនណាក៏ស្គាល់ច្បាស់ បន្ទាប់ពីលោកបានសាងស្នាដៃក្នុងរឿង «ត្រាបាបពណ៌ស៊ីជម្ពូ» ជាមួយតារាស្រីនាង Bua Nalinthip។ ដោយសារ​តែទេព​កោស​ល្យ​ខ្ពស់ ​Pon ​បាន​លេច​មុខ​ក្នុង​រឿង​ភាគ​ល្បីៗ​ជាបន្តបន្ទាប់ ហើយថ្មីៗនេះលោកក៏មានស្នាដៃថ្មីមួយទៀតគឺរឿង «Fak Fah Kiri​dao​»​។

២. តារាសម្ដែង Inn Sarin 

Inn Sarin ទទួលបានការចាប់អារម្មណ៍យ៉ាងខ្លាំងពីអ្នកទស្សនា នៅពេលដែលលោកសម្តែងក្នុងរឿង «Thong Aek Mor Yah Tah Chal​ong ​» ។ យ៉ីអ៊ុនកំពុងតែឡើងស្រាប់ ក្នុងពេលថ្មីៗនេះ លោកបានសម្តែងក្នុងរឿងភាគទូរទស្សន៍ថ្មីមួយទៀតគឺ «Fak Fah Kiri​dao​» ​ជាមួយ ​Pon ​Nawasch ​និង ​Namwhan ​Phulita។

៣. តារាសម្ដែង Masu Junyangdikul

Masu Junyangdikul ក៏ជាតារាប្រុសវ័យក្មេងមួយរូបទៀត ដែលកំពុងតែលេចធ្លោខ្លាំងក្នុងទូរទស្សន៍ថៃប៉ុស្តិ៍លេខ៣។ នៅក្នុងឆ្នាំ ២០១៩ ​និង​ដើម​ឆ្នាំ ​២០​២០​នេះ​ Masu បានបង្ហាញខ្លួននៅក្នុងរឿងភាគទូរទស្សន៍ជាច្រើន ក្នុងនោះរួមមានរឿង «Lub Luang Jai, My Love From Another Star, Dao Lhong Fah, និងរឿង Pom Arthun»។

៤. តារាសម្ដែង August Vachiravit

ប្រជាប្រិយភាពបានរីកសុះសាយកាន់តែខ្លាំង ក្រោយពេល August Vachiravit បានសម្ដែងជាតួអង្គ Asee នៅក្នុងរឿង​ភាគដ៏ល្បី​ល្បាញ​មួយ​គឺ​រឿង ​«អន្លង់កម្ម»។ មកដល់ឆ្នាំនេះ តារាប្រុសវ័យក្មេងខាងលើ មានឱកាសទទួលបានខ្សែភាពយន្តថ្មីបន្ថែមគឺរឿង «Pee ​Nak ​2» ​និង​រឿង​ភាគ​ថ្មី​ចំនួន​២​បន្ថែម​ទៀត​គឺរឿង «Duang Baeb Nee Mai Mee Ju» និង « Mae Krua Kon Mai»៕

from： https://tnaot.com/km/m/detail/article/9226987