Sign In 
កន្លងមក ក៏មានករណីឆ្លងកូវីដ១៩ ទៅលើទារក ទើបតែកើន នៅក្នុងប្រទេសប៉េរូ តែពេលនេះក៏រកឃើញទារកកើតមក មានឆ្លងកូវីដ១៩ដូចគ្នា នៅក្នុងប្រទេសរុស្ស៊ី ផងដែរ។
តាមការលើកឡើងរបស់មន្ត្រីក្រសួងសុខាភិបាល ប្រចាំនៅភាគខាងជើង Ossetia ក្នុងតំបន់ Kavkaz ប្រទេសរុស្ស៊ី បានឲ្យដឹងថា ម្តាយបានឆ្លងកូវីដ១៩ ហើយទារកកើនមកក៏បានឆ្លងកូវីដ១៩នេះដែរ។
សារព័ត៌មាន TASS របស់រុស្ស៊ី បានដកស្រង់សម្តីមន្ត្រីសុខាភិបាល បានបញ្ជាក់ថា ម្តាយបានឆ្លងកូវីដ១៩ ពេលមានផ្ទៃពោះ ហើយកូនកើតមកក៏បានឆ្លងផងដែរ។ ប៉ុន្តែពេលនេះ សុខភាពរបស់ម្តាយ និងទារក មានភាពល្អប្រសើរ ហើយស្នាក់នៅក្នុងផ្ទះ ដើម្បីថែរក្សាសុខភាព។
កន្លងមក នៅក្នុងប្រទេសប៉េរូ ក៏មានទារកកើតមកឆ្លងកូវីដ១៩ កាលពីពាក់កណ្តាល ខែមេសា ហើយការរកឃើញឆ្លង នៅក្នុងប្រទេសរុស្ស៊ី នាពេលនេះជាករណីទីពីរហើយ។ ទារកដែលកើតមកឆ្លងកូវីដ១៩ គឺនៅមន្ទីរពេទ្យក្នុងតំបន់ Beslan ដែលមាន៣៥នាក់ មកមន្ទីរពេទ្យរង់ចាំសម្រាលកូន ប៉ុន្តែក្នុងពេលរង់ចំា ក៏មានស្ត្រីមានផ្ទៃពោះ១៧នាក់ បានឆ្លងកូវីដ១៩។
រុស្ស៊ីឈរលំដាប់ទី២ នៅលើពិភពលោក បន្ទាប់ពីអាមេរិកពីចំនួនអ្នកឆ្លងកូវីដ១៩ ។ បច្ចុប្បន្ន រុស្ស៊ីមានអ្នកឆ្លងជាង ២៨១ ពាន់នាក់ និងស្លាប់២៦៣១នាក់៕ ប្រែសម្រួលដោយ៖ MEO
