នៅក្នុងប្រទេស​New Zealand ​គ្មាននរណាម្នាក់ត្រូវបានលើកលែងចំពោះវិធានការណ៍ការពារ​វីរុសឆ្លងដ៏តឹងរ៉ឹងនោះទេ សូម្បីតែនាយករដ្ឋមន្រ្តី​Jacinda Ardern ក៏ត្រូវបានគេបដិសេធមិនឱ្យចូលហាងកាហ្វេដែរដោយសារតែច្បាប់​រក្សាគម្លាតរបស់គាត់ផ្ទាល់​។  

រូបតំណាង

លោកស្រីArdern និងស្វាមីរបស់គាត់គឺលោក Clarke Gayford រួមទាំងមិត្តភក្តិមួយក្រុមត្រូវបានគេ​បដិសេធមិនអនុញ្ញាត​ឱ្យចូលហាងកាហ្វេមួយនៅ Wellington កាលពីថ្ងៃសៅរ៍ ទី១៦ ឧសភា ព្រោះហាងបាន​កំណត់ចំនួនអតិថិជន និងគ្រប់ចំនួនបាត់ទៅហើយ។  ​ប្រទេស​New Zealand បាន​បន្ធូរបន្ថយ​ច្បាប់រឹតបន្តឹ​ង ដោយអនុញ្ញាតឱ្យហាងកាហ្វេ​បើកដំណើរការឡើងវិញនៅថ្ងៃព្រហស្បតិ៍តទៅ ប៉ុន្តែត្រូវរក្សា​គម្លាតពីតុមួយទៅតុមួយហើយអតិថិជនត្រូវតែអង្គុយ​ឃ្លាតពីគ្នា។

រូបតំណាង

ភ្ញៀវនៅក្នុងហាងម្នាក់ដែលបានឃើញលោកស្រី ​Ardern ត្រូវគេ​បដិសេធមិនឱ្យចូលហាង​បានប្រាប់សារព័ត៌មាន Stuff ថា​ បុគ្គលិកហាងកាហ្វេម្នាក់បានប្រើពាក្យសម្តី​មិនសមរម្យថា ហាងមានមនុស្សពេញហើយមិនមានកន្លែងនៅសល់ទេ​ បន្ទាប់មកបុគ្គលិកនោះក៏ដើរចេញ។ ជាសំណាងល្អ​ ភ្ញៀវដទៃទៀត​បានចាកចេញពិហាងភ្លាមៗ ហើយបុគ្គលិក​ក្នុងហាងកាហ្វេក៏រត់ចុះតាមផ្លូវដើម្បីអញ្ជើញនាយករដ្ឋមន្រ្តីត្រឡប់មកវិញ។

កែសម្រួលសោយ៖ ភារ៉ា

ប្រភព៖ Thai PBS WORLD

from： https://tnaot.com/km/m/detail/article/9226240