បើតាមតួលេខ​របស់អង្គការសហប្រជាជាតិ​ បានប្រកាសថា មានមនុស្សរាប់សិបនាក់​បានរងការសម្លាប់​​ នៅតំបន់ភាគខាងជើង នៃសាធារណរដ្ឋកុងហ្គោ ​ក្នុងនោះមានភាគច្រើន ជាក្រុមជនជាតិ​ Hema ។

ប្រភពព័ត៌មានពីរដ្ឋាភិបាល​កុងហ្គោ បានបញ្ជាក់កាលពីថ្ងៃ ទី​១៧ ខែ ឧសភាថា មានមនុស្ស​២៧នាក់ ស្លាប់ ក្នុងការវាយប្រហារ​ដាច់ដោយឡែក ក្នុងតំបន់ភាគខាងជើងប្រទេសនេះ។ ជនរងគ្រោះ​មានគ្រប់វ័យ មានទាំងស្រ្តី និងកុមារផងដែរ ។

ការវាយប្រហារនេះបានកើតឡើង នៅក្នុងខេត្ត​ Ituri ​​ បង្កឡើងដោយក្រុមខ្មាន់កាំភ្លើង​ Codeco​​ កាលពីព្រឹកថ្ងៃទី​១៧ ខែឧសភា ។  ក្រុម​ Codeco​​ គឺជាក្រុមដែលមានភាពល្បីល្បាញ ​​ក្នុងចំណោមក្រុមប្រដាប់ អាវុធជាច្រើន នៅក្នុងប្រទេសនេះ។

សមាជិកក្រុម​ Codeco​​ ភាគច្រើន ជាជនជាតិ​ Lendu ​ប្រកបរបរកសិកម្ម ហើយតែងតែប៉ះទង្គិចគ្នាជាមួយក្រុមចិញ្ចឹមសត្វ នៅតំបន់​ Ituri ​។ បើតាមតួលេខរបស់អង្គការសហប្រជាជាតិ មានមនុស្ស​រាប់សិប​ពាន់​នាក់រងការសម្លាប់ នៅតំបន់ភាគខាងជើង នៃកុងហ្គោ ហើយភាគច្រើនជាជនជាតិ​ Hema ៕ ប្រែសម្រួលដោយ៖ MEO

from： https://tnaot.com/km/m/detail/article/9225809