ចិនបានសម្រេចបញ្ជូនក្រុមឯកទេសស្រាវជ្រាវ មួយក្រុមទៅកាន់​ប្រទេសអ៊ីស្រាអែល​ ដើម្បីស្រាវជ្រាវពីការស្លាប់​របស់ឯកអគ្គរដ្ឋទូតចិន លោក Du Wei នៅក្នុងផ្ទះរបស់លោក។

នៅថ្ងៃ ទី​១៨ ខែឧសភានេះ ចិន​បានបញ្ជូនក្រុមជំនាញមួយក្រុមទៅកាន់អ៊ីស្រាអែល​ដើម្បីស្រាវជ្រាវពីការស្លាប់របស់លោក​ Du Wei ក្នុងផ្ទះរបស់លោក នៅជាយក្រុង​ Tel Aviv ​កាលពីថ្ងៃ ទី​១៧ ខែឧសភា។

ក្រុមស្រាវជ្រាវចិន​ត្រូវបានស្នើឲ្យនៅដោយឡែកពេលទៅដល់អ៊ីស្រាអែល ដើម្បីបញ្ជៀសការឆ្លងកូវីដ១៩ ហើយក្រុមស្រាវជ្រាវរបស់ចិននឹងបើកការស្រាវជ្រាវដាច់ដោយឡែក​ រួចរៀបចំដឹកសាកសព​ឯកអគ្គរដ្ឋទូត វិលត្រឡប់មកប្រទេសចិន វិញ។

ជាមួយគ្នានេះដែរ អ៊ីស្រាអែល ក៏បានបើកការស្រាវជ្រាវ ពីការស្លាប់​របស់ឯកអគ្គរដ្ឋទូត Du Wei ។ បើតាមការស្រាវជ្រាវជាបឋម ឯកអគ្គរដ្ឋទូតមិនបានរងការវាយប្រហារពីខាងក្រៅនោះឡើយ ។ ដូច្នេះ​មានការសង្ស័យថា លោកអាចស្លាប់ដោយ​ជំងឺបេះដូង។

លោក​ Du Wei បានតែងតាំងជាអគ្គរដ្ឋទូតប្រចាំនៅក្នុងប្រទេសអ៊ីស្រាអែល កាលពី ខែកុម្ភៈ ឆ្នាំ​២០២០ ហើយលោកបានទៅកាន់អ៊ីស្រាអែល កាលពីខែមេសាឆ្នាំ​២០២០ ដោយត្រូវកាត់ផ្តាច់រយៈពេល​១៤ថ្ងៃផងដែរ​។ ក្រសួងការបរទេសចិន​បង្ហាញការសោកស្តាយយ៉ាងខ្លាំងពីការស្លាប់ ខាលើរបស់​អគ្គរដ្ឋទូត​ Du Wei ប៉ុន្តែក្រសួងការបរទេសមិនបានបញ្ជាក់លម្អិតពាក់ព័ន្ធការស្លាប់នោះឡើយ៕ ប្រែសម្រួលដោយ់៖MEO

from： https://tnaot.com/km/m/detail/article/9225746