ដូចទៅនឹង​ការបាញ់បង្ហោះ​លើកមុនៗ​ចំនួន​៥លើកដូច្នោះដែរ មន្ទីរបង់តាហ្គូន​មិនបានបញ្ជាក់ទេ ថាតើ​បេសកកម្ម​យានអវកាស​របស់ខ្លួន​ មានរយៈពេលវែងប៉ុន្មាន​ វាកំពុងនៅលើគន្លងគោចរ ឬក៏វិលត្រឡប់មកកាន់ភពផែនដីនោះឡើយ។

សហរដ្ឋអាមេរិក​បានបាញ់បង្ហោះ​យានអវកាស​ទី​ប្រាំមួយ​គ្មានមនុស្សបើកបរ X-37B ទៅកាន់​គន្លងគោចរ ដើម្បីបំពេញបេសកកម្មថ្មីមួយ ​នៅថ្ងៃទី១៧ ខែឧសភា ឆ្នាំ២០២០ ។ ប្រភពព័ត៌មាន AP បានផ្សាយថា យានអវកាស​នេះ រហូតមកដល់ពេលបច្ចុប្បន្ន​កំពុងស្ថិតនៅក្នុង​ចំណុចអាថ៌កំបាំង​សម្រាប់សាធារណជន​ ហើយ​យាននេះ​អាចពង្រីកខ្លួន​​​​ធ្វើជាកន្លែងពិសោធន៍​សម្រាប់ពិសោធន៍វិទ្យាសាស្ត្រ ​ទាំងសម្រាប់​អង្គការ​ណាសាផង និង​ទាំង​ការស្រាវជ្រាវពិសោធន៍​របស់កម្លាំងជើងទឹកអាមេរិកផង ខណៈដែលយាននេះ​កំពុងស្ថិតនៅលើគន្លងគោចរនោះ ។ 

ក្រៅពីដឹងថា យានអវកាសនេះ​អាចពង្រីកខ្លួនធ្វើជាកន្លែងមន្ទីរពិសោធន៍នោះ ព័ត៌មានតិចតួចបំផុតត្រូវបានគេដឹង​ស្តីអំពីបេសកកម្មចុងក្រោយបំផុតនេះរបស់​ យាន X-37B ក៏ដូចជាអំឡុងពេលនៃថិរវេលារបស់វាផងដែរ ។ បេសកកម្មរបស់យានអវកាស​ចុងក្រោយបំផុត នាពេលកន្លងមកនោះ មានរយៈពេលយូរឆ្នាំ គឺ​ប្រហែល​២ឆ្នាំឯណោះ ។ ដូចទៅនឹងបេសកកម្មមុនៗផងដែររបស់យានអវកាស​អាមេរិក គឺមិនត្រូវបានគេដឹងពីគោលបំណងរបស់គេពិតប្រាកដឡើយ ។

យានអវកាស X-37B គឺជាយានអវកាសគ្មានមនុស្សបើក ដើរដោយថាមពលពន្លឺព្រះអាទិត្យ ដែលជាធម្មតាត្រូវបានបញ្ជូនទៅកាន់គន្លងគោចរ ដោយប្រព័ន្ធកាំជ្រួច Atlas V​ ។ ការរចនា​របស់យានអវកាសនេះ ​បានជះ​ឥទ្ធិពល​​យ៉ាងខ្លាំង​ទៅដល់​កម្មវិធី​​យានអវកាស Shuttle អាមេរិក ដែលបច្ចុប្បន្ន ​ត្រូវបានដកហូត ។ ​យានអវកាស X-37B ​មានទំហំតូច​ជាង​យានអវកាស​ ដែលត្រូវបានប្រើប្រាស់ឡើងវិញ ដោយអង្គការ NASA ក្នុងឆ្នាំ២០១២ ។ យោធា​អាមេរិក ដែលប្រតិបត្តិការ​យានអវកាស X-37B នោះ មានយាននេះ​ទាំងអស់​២គ្រឿង ។ គេបានទុកចោល​រហូតមក​ចាប់តាំងពីការបាញ់បង្ហោះ​ កាលពីក្នុងខែមេសា ឆ្នាំ២០១០ ។  

ដូចទៅនឹងយាន​ shuttlesផងដែរ, យាន​អវកាស X-37B គឺជាយានដែលត្រូវបានប្រើប្រាស់ឡើងវិញ និង​ជាយានដែលបានវិលត្រឡប់មកកាន់ភពផែនដីវិញ បន្ទាប់ពីបេសកកម្មរបស់វាត្រូវបានបញ្ចប់ ។ យាននេះ​ត្រូវ​បានគេដឹងថា រក្សាទុកនៅកន្លែងពិសេសបំផុត​​ ដូចទៅនឹងការរក្សាទុកយានអវកាស​ shuttlesអឺចឹងដែរ ៕ ប្រែសម្រួលដោយ៖ thach yat

from： https://tnaot.com/km/m/detail/article/9225684