ច្បាស់ណាស់ថា ពេជ្រជាវត្ថុធាតុដ៏មានតម្លៃ តែក្នុងចំណោមពេជ្រក៏មានពេជ្រដែលមានតម្លៃថ្លៃជាងគ្នាផងដែរ ដោយពឹងផ្អែកលើគុណភាព ក៏ដូចជាទំហំរបស់វា។

ជាក់ស្ដែងដុំ​​ពេជ្រ​​​​ធំ​បំផុតនិងមានតម្លៃបំផុត​​​​​​​​​របស់ពិភពលោកត្រូវបានគេរុករកឃើញនៅកាលពីខែវិច្ឋិកាឆ្នាំ 2015​ ដោយក្រុមហ៊ុន Lucara Diamond Corp នៅ​កន្លែង​រុករក​រ៉ែ​​​ក្នុង​ប្រទេស​​បុតស្វាន់ណា និងត្រូវបានគេសន្មត់ថាជាការរុករកដ៏កម្រមួយ ដោយគេមិនដែលរុករកឃើញគ្រាប់ពេជ្រដ៏កម្របែបនេះទេក្នុងរយៈពេលជាង 100ឆ្នាំចុងក្រោយនេះ។

ក្រោយរុករកឃើញគ្រាប់ពេជ្រនេះត្រូវបានគេហៅថា “ឡេស៊ីដា ឡារ៉ូណា” (Lesedi la Rona) ដែលជាពាក្យក្នុងភាសារបស់ប្រទែសបុតស្វាន់ណា ប្រែថា “ពន្លឺរបស់យើង”។

វាត្រូវបានគេ​ដាក់​​តាំង​បង្ហាញ​​នៅ​​ទីក្រុង​​ឡុងដ៏ ​​ប្រទេស​អង់គ្លេសនៅខែមិថុនាឆ្នាំ 2016នេះ មុន​​ពេលនឹងត្រូវគេ​​​ដាក់​លក់​​​​បំបែក​​កំណត់​ត្រា​ពិភព​លោក​​​​តម្លៃ​ 50លានផោន (ប្រមាណ 70​លាន​ដុល្លារ​អាមេរិក)។​

តាមពិតទៅ កាលពីឆ្នាំ 1905 គ្រាប់ពេជ្រដែលគេហៅថា “ឃូលីណាន់” ត្រូវបានគេរុករកឃើញហើយវាមានទំហំដល់ទៅ 3016.75​ ការ៉ាត តែមកដល់ពេលបច្ចុប្បន្នវាត្រូវបានគេបំបែកច្នៃជាគ្រាប់ពេជ្រតូចៗ 9គ្រាប់។ ដូចនេះបច្ចុប្បន្នមានតែគ្រាប់ពេជ្រ “ឡេស៊ីដា ឡារ៉ូណា” ទេដែលមានទំហំធំជាងគេ។

របាយការណ៍ឯករាជ្យមួយក៏បានអះអាងដែរថា “ឡេស៊ីដា ឡារ៉ូណា” អាចនឹងត្រូវបានគេច្នៃទៅជាដុំពេជ្រមួយគ្រាប់ដែលមានគុណភាពខ្ពស់ ដែលពិភពលោកមិនដែលធ្លាប់ជួបប្រទះពីមុនមក៕

from： https://tnaot.com/km/m/detail/article/9224618