ខ្សែការពារកណ្តាល Jean-Clair Todibo របស់ក្លិប Schalke មានការរាយការណ៍ថា បានរងរបួសកជើងក្នុងអំឡុងពេលការប្រកួតជាមួយក្រុមម្ចាស់ផ្ទះ Borussia Dortmund ក្រោយការវិលត្រឡប់មកវិញ នៃក្របខណ្ឌ Bundesliga។

ខ្សែការពារសញ្ជាតិបារាំងខាងលើត្រូវបាន លោក David Wagner គ្រូបង្វឹកបង្គោលជ្រើសឱ្យចូលលេងជាជម្រើស ១១ នាក់ដំបូងសម្រាប់លេងការប្រកួតលើកទី ២៦ របស់ពួកគេ។ ក្នុងអំឡុងពេលប្រកួតនៅនាទីទី ៣៧ ខ្សែការពារ Todibo បានប៉ះទង្គិចជាមួយកីឡាករ Achraf Hakimi ខ្សែការពាររបស់ក្រុម Dortmund នៅត្រង់កជើង ហើយធ្វើឱ្យរូបគេមិនអាចទ្រំាទ្រនៅក្នុងទីលានតទៅមុខទៀតបាន។ មកទល់ពេលនេះ Todibo ស្ថិតក្នុងការធ្វើតេស្តពិនិត្យមើលទំហំនៃការរបួសនៅឡើយ និងមិនទាន់ដឹងថាត្រូវប្រើរយៈពេលប៉ុន្មានសប្តាហ៍ក្នុងការព្យាបាលនោះទេ។ ខ្សែការពាររូបនេះ ត្រូវបាន Dortmund ខ្ចីជើងពីក្លិប Barcelona ក្នុងរយៈពេលមួយរដូវកាល កាលពីខែមករាកន្លងទៅ ហើយបង្ហាញខ្លួនបាន ៦ ប្រកួតផងដែរ៕

គួរឱ្យដឹងដែរថា ក្របខណ្ឌ Bundesliga ​បាន​ក្លាយ​ជា​លីគ​ធំ​ទី​ ១ ​នៅ​តំបន់អឺរ៉ុប​ដែល​បាន​បើកឱ្យមានការប្រកួត​ឡើង​វិញចាប់ពីថ្ងៃទី១៦ ខែឧសភា នេះតទៅ ​ខណៈពេលដែលលីគ​មួយ​ចំនួន​ទៀត​បាន​ប្រកាស​រំសាយ​ចោល និង​ខ្លះ​ទៀត​ស្ថិត​ក្នុង​ការ​ពិចារណា​នៅ​ឡើយ៕

កែសម្រួលដោយ៖ ភារ៉ា

ប្រភព៖ Marca

from： https://tnaot.com/km/m/detail/article/9224343