Sign In 
ភ្នំពេញ៖ នៅរសៀលថ្ងៃទី ១៧ ខែឧសភាឆ្នាំ២០២០នេះ លោកវរសេនីយ៏ ឯកប៊ុត សត្យា នាយការិយាល័យព្រហ្មទណ្ឌកំរិតស្រាល នៃស្នងការនគរបាលរាជធានីភ្នំពេញ បានបង្ហាញមុខក្រុមជនសង្ស័យ ៥នាក់ ដែលប្រើហិង្សាប្រដាប់ដោយកាំបិត ខ្សែរក្រវ៉ាត់ និងដុំថ្ម វាយទៅលើយុវជនរងគ្រោះឲ្យរងរបួសធ្ងន់ ដោយហេតុការណ៍បានកើតឡើងតាំងពី យប់ថ្ងៃទី៣០ ខែមេសា ឆ្នាំ២០២០ នៅចំនុចផ្លូវ R6 សង្កាត់ស្រះចកខណ្ឌដូនពេញ។
ជនរងគ្រោះឈ្មោះ ជន ស៊ីង ភេទប្រុស អាយុ១៦ ឆ្នាំមុខរបរសិស្ស ស្នាក់នៅផ្ទះលេខ២៨ផ្លូវលេខ១៧០ សង្កាត់អូរឬស្សី១ ខណ្ឌ៧មករា កាលពីវេលាម៉ោង ដោយក្រោយពេលកើតហេតុយុវជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលសង្កាត់ស្រះចក។
បន្ទាប់ពីទទួលពាក្យបណ្តឹង កម្លាំងការិយាល័យព្រហ្មទណ្ឌកម្រិត នៃស្នងការនគរបាលរាជធានីភ្នំពេញ សហការជាមួយកម្លាំងការិយាល័យព្រហ្មទណ្ឌកម្រិតស្រាលខេត្តឧត្តរមានជ័យ និងកម្លាំងវរការពារព្រំដែន ៩០៥ បានស្រាវជ្រាវចាប់ឃាត់ខ្លួនជនសង្ស័យជាបន្តបន្ទាប់ចំនួន៥នាក់ពាក់ពន្ធ័ករណីប្រើហិង្សាវាយយុវជនរងគ្រោះខាងលើនេះ។
សមត្ថកិច្ចបានឲ្យដឹងថាជនសង្ស័យទាំង ៥នាក់ មានឈ្មោះដូចខាងក្រោម៖
១- ឈ្មោះ ប្រាក់ កាណាន់ ហៅអាគោដុត ភេទប្រុស អាយុ ២០ឆ្នាំ មុខរបរនៅផ្ទះ
(ជាអ្នកយកកាំបិតបុ័ងតោកាប់ទៅយុជនរងគ្រោះ)។
២- ឈ្មោះ លឹម លីលី ហៅបុត្រា ភេទប្រុស អាយុ ១៧ឆ្នាំ មុខរបរសិស្ស។
៣- ឈ្មោះ គង់ សុខទីន ហៅទីន ភេទប្រុស អាយុ ១៧ឆ្នាំ មុខរបរបុគ្គលិកភោជនីយដ្ឋាន។
៤- ឈ្មោះ ឈឹម ពេជ្រមរកត ហៅស៊ូ សី ភេទស្រី អាយុ ១៨ឆ្នាំ មុខរបរនៅផ្ទះ។
៥- ឈ្មោះ ជា បញ្ញា ហៅញ៉ាតូច ភេទប្រុស អាយុ ១៨ឆ្នាំ មុខរបរសិស្ស។
បច្ចប្បន្ន ជនសង្ស័យទាំង ៥នាក់ ត្រូវបានការិយាល័យព្រហ្មទណ្ឌកម្រិតស្រាលស្នងការនគរបាលរាជធានីភ្នំពេញ
បញ្ជូនទៅកាន់សាលាដំបូងរាជធានីភ្នំពេញចាត់ការតាមផ្លូវច្បាប់៕ដោយ សួង សាម
