Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

ចិនទទូច​អាមេរិក​ឲ្យបញ្ឈប់​គាបសង្កាត់គ្មានហេតុផល​លើក្រុមហ៊ុន Huawei

ទីក្រុងប៉េកាំងបានទទូចដល់សហរដ្ឋអាមេរិក ឲ្យបញ្ឈប់ “ការគៀបសង្កត់ដោយមិនសមហេតុផល ចំពោះក្រុមហ៊ុន Huawei និងសហគ្រាសរបស់ចិន” ។ ការទទូចនេះ បន្ទាប់ពីទីក្រុងវ៉ាស៊ីនតោនបានប្រកាសរឹតបន្តឹងការនាំចេញថ្មីរបស់ខ្លួន ដើម្បីរឹតត្បិតក្រុមហ៊ុនបច្ចេកវិទ្យាយក្សចិន​កុំឲ្យទទួលបានការប្រើប្រាស់បច្ចេកវិទ្យាអេឡិចត្រូនិចផ្ទាល់របស់អាមេរិក ។

ការប្រកាសរឹតបន្តឹង​នេះ ស្របពេលដែលអាមេរិកចោទប្រកាន់ក្រុមហ៊ុន ​Huawei ថា ធ្វើចារកម្ម​ឲ្យរដ្ឋាភិបាល​ចិន ក៏ដូចជាពេលដែល​អាមេរិក និងចិន​កំពុងប្រកួតប្រជែង​គ្នា​យ៉ាងខ្លាំង​នៅលើពិភពលោក​ក្នុងវិស័យបច្ចេកវិទ្យា​នោះ ។ 

ក្រសួងការបរទេសចិនបានថ្លែងការណ៍មួយ កាលពីថ្ងៃទី១៦ ខែឧសភាថា “រដ្ឋាភិបាលចិន នឹងប្រកាន់ខ្ជាប់នូវសិទ្ធិ និងផលប្រយោជន៍ស្របច្បាប់របស់ក្រុមហ៊ុនចិន” ជានិច្ច ។ យើងទទូចឱ្យភាគីអាមេរិកបញ្ឈប់ការគៀបសង្កត់ដោយមិនសមហេតុផលចំពោះក្រុមហ៊ុន Huawei និងសហគ្រាសរបស់ចិន ។

ក្រសួងការបរទេសចិនដដែលបញ្ជាក់ថា សកម្មភាពរបស់រដ្ឋបាលលោកដូណាល់ ត្រាំ បាន “បំផ្លិចបំផ្លាញដល់ផលិតកម្មពិភពលោក, ការផ្គត់ផ្គង់ ហើយនិងតម្លៃនៃខ្សែសង្វាក់” ។

គួរបញ្ជាក់ថា កាលពីថ្ងៃទី​១៥ ខែឧសភា ឆ្នាំ២០២០ ក្រសួងពាណិជ្ជកម្មសហរដ្ឋអាមេរិកបានប្រកាសថា ការរឹតបន្តឹងនេះ គឺជាគោលដៅប្រកបដោយយុទ្ធសាស្ត្រ និងការប្រុងប្រយ័ត្នខ្ពស់​​​ចំពោះ​ Huawei កុំឲ្យទទួលបាននូវបច្ចេកវិទ្យា​អេឡិចត្រូនិក​ ដែលជាអេឡិចត្រូនិក និង software ផលិតដោយផ្ទាល់របស់អាមេរិក ។ 

មន្ត្រីអាមេរិកបានចោទប្រកាន់ម្តងហើយម្តងទៀតទៅលើក្រុមហ៊ុនបច្ចេកវិទ្យាចិន ពីបទលួចអាថ៌កំបាំងពាណិជ្ជកម្មអាមេរិក និងជួយដល់កិច្ចប្រឹងប្រែងចារកម្មរបស់ប្រទេសចិន ។ ការចោទប្រកាន់នេះបានបង្កើនឲ្យមានភាពតានតឹងរវាងប្រទេសមហាអំណាចទាំងពីរ ដែលជាគូប្រជែងដ៏ស្រួចស្រាវ ខណៈពេលដែលភាគីទាំងពីរ ក៏កំពុងជាប់ពាក់ព័ន្ធនឹងសង្គ្រាមពាណិជ្ជកម្ម ដែលកំពុងអូសបន្លាយជាយូរមកហើយផងដែរ ៕ ប្រែសម្រួលដោយ៖ thach yat 

from: https://tnaot.com/km/m/detail/article/9223891