Sign In 
នៅថ្ងៃទី១៦ ខែឧសភា ឆ្នាំ២០២០ នេះលោក គួច ចំរើន អភិបាលខេត្តព្រះសីហនុ បានដឹកនាំមន្ត្រីចុះពិនិត្យឆ្នេរសមុទ្រដ៏ស្រស់ស្អាតមួយកន្លែង ក្បែរព្រៃរយៈពេលជាច្រើនឆ្នាំមកហើយដែលពុំសូវមានអ្នកស្គាល់នោះទេ ស្ថិតក្នុងឃុំបិតត្រាំង ស្រុកព្រៃនប់ ខេត្តព្រះសីហនុ។
រហូតមកទល់ពេលបច្ចុប្បន្ននេះរដ្ឋបាលខេត្តព្រះសីហនុ បាននឹងកំពុងធ្វើការរៀបចំឈូសឆាយកែលម្អសម្រាប់ជូនសាធារណជនមកលេងកម្សាន្ត និងត្រៀមទុកជាទីតាំងសម្រាប់រៀបចំព្រឹត្តិការណ៍ផ្សេងៗក្នុងខេត្តផងដែរ។
គួរបញ្ជាក់ថា ការរៀបចំឆ្នេរថ្មីនេះស្របពេលដែលផ្លូវថ្មីកំពុងស្ថាបនារត់តាមឆ្នេរសមុទ្រ ហើយក្រោយរៀបចំស្អាត ឆ្នេរសាធារណៈថ្មីមួយនេះនឹងក្លាយជាគោលដៅទេសចរណ៍ក្នុងតំបន់នេះជាមិនខានឡើយ៕ ដោយ ៖ សុង យូ
