រដ្ឋមន្ត្រីក្រសួងសុខាភិបាលប្រេស៊ីល លោក Barsil Nelson Teich បានដាក់លិខិតលាលែងចេញពីតំណែង ក្រោយវិវាទជាមួយប្រធានាធិបតីពាក់ព័ន្ធសង្គ្រាមប្រឆាំងកូវីដ​១៩។ លោក​ Barsil Nelson Teichទើបតែឡើងកាន់តំណែងមិនដល់មួយខែផង ក៏ត្រូវបង្ខំចិត្តលាលែងពីតំណែង​។

ការសម្រេចខាងលើរបស់លោក Barsil Nelson Teich ក្រោយមានវិវាទយ៉ាងខ្លាំងជាមួយ ប្រធានាធិបតី Jair Bolsonaro ពីយុទ្ធសាស្ត្រទប់ស្កាត់កូវីដ​១៩ ខណៈមានអ្នកឆ្លងកើនឡើងខ្ពស់​នៅប្រទេសប្រេស៊ីល។ ជាមួយគ្នានោះប្រធានាធិបតីបានជំរុញប្រើប្រាស់ថ្នាំ​ Hydroxychloroquine ព្យាបាលអ្នកជំងឺ ប៉ុន្តែរដ្ឋមន្ត្រីសុខាភិបាលមិនព្រម ។ ក្រៅពីនេះ ក៏បានប្រឈមនឹងវិវាទពាក់ព័ន្ធការបើកទ្វារដំណើរការសេដ្ឋកិច្ចជាតិផងដែរ​។

កាលពីសប្តាហ៍កន្លងមក រដ្ឋមន្ត្រីក្រសួងសុខាភិបាល ប្រកាសថា ប្រធានាធបិតី បានសម្រេចបើកទ្វារ ក្លឹបកីឡា ហាងកាត់សក់ កែសម្ផស្ស … ដោយមិនបានសួរនាំយោបល់ពីក្រសួងសុខាភិបាលនោះឡើយ។

លោក​ Barsil Nelson Teich ជារដ្ឋមន្ត្រីក្រសួងសុខាភិបាលទីពីរហើយដែលបានសម្រេចលាលែងចេញពីតំណែង ក្នុងពេលកំពុងឆ្លងរាលដាលកូវីដ​១៩​កាន់តែខ្លាំង​។ កន្លងមក លោក​ Nelson Mandetta កាន់តំណែងរដ្ឋមន្ត្រីក្រសួងសុខាភិបាល ក៏បានសម្រេចលាលែងចេញពីតំណែង​ដោយសារវិវាទ ពាក់ព័ន្ធ ការទប់ស្កាត់ឆ្លងរាលដាលកូវីដ​១៩ ។

បច្ចុប្បន្នប្រេស៊ីល ឈានមុខ​បារាំង អាល្លឺម៉ង់​ពីចំនួនអ្នកឆ្លងកូវីដ ១៩  ដោយមានពលរដ្ឋជាង​២សែននាក់ហើយបានឆ្ល​ង និងស្លាប់ជាង ១៣៩០០នាក់៕ ប្រែសម្រួលដោយ៖ MEO

from： https://tnaot.com/km/m/detail/article/9221439