នៅទីបំផុត កិច្ចព្រមព្រៀងបង្កើតរដ្ឋាភិបាល​ចម្រុះរវាងគណបក្ស Likud  របស់លោក នាយករដ្ឋមន្ត្រីណេតាន់យ៉ាហូ និង គណបក្ស​ ខៀវ ស របស់លោក​ Benny Gantz ។ តាមកិច្ចព្រមព្រៀង គណបក្ស ទាំងពីរនឹងបែងចែកអំណាចគ្នា ដើម្បីដឹកនាំរដ្ឋាភិបាល។

តាមគម្រោងរដ្ឋាភិបាលថ្មីនឹងចូលកាន់តំណែងនៅយប់ថ្ងៃទី​១៤ខែឧសភា​នេះ ក្រោយរយៈពេល​១៨ខែជាប់គាំ និងបោះឆ្នោតដល់ទៅ​៣លើក មិនមានអ្នកចាញឈ្នះ​។ នៅក្នុងកិច្ចព្រមព្រៀង គណបក្សទាំងពីរនឹងចែកពេលវេលាគ្នាកាន់អំណាច ក្នុងនោះ រយៈពេល​១៨ខែដំបូង លោកណេតាន់យ៉ាងហូ កាន់តំណែងជានាយករដ្ឋមន្ត្រី ចំណែក លោក Benny Gantz កាន់តំណែងជារដ្ឋមន្ត្រីការពារជាតិ​។ ក្រោយមក លោក​ Benny Gantz នឹងឡើងកាន់តំណែងជានាយករដ្ឋមន្ត្រីវិញ ចំណែកលោកណេតាន់យ៉ាហូកាន់តំណែងរដ្ឋមន្ត្រីការពារជាតិវិញ។

នៅរយៈពេល ៦ខែដំបូង រដ្ឋាភិបាលអ៊ីស្រាអែលមានរដ្ឋមន្ត្រី​៣២រូប ចែកជាពីរស្មើគ្នា ហើយ៦ខែក្រោយមក និងរដ្ឋមន្ត្រីនឹងត្រូវបង្កើនបន្ថែម ៤រូបទៀតឡើងដល់​៣៦រូប​។ ការបង្កើនរដ្ឋមន្ត្រីដល់ទៅ​៣៦រូប ធ្វើឲ្យអ៊ីស្រាអែលមានរដ្ឋមន្ត្រីច្រើនបំផុតមិនធ្លាប់មានក្នុងប្រវត្តិសាស្ត្រប្រទេសនេះ។

តាមគម្រោង នៅវេលាម៉ោង​១៨ ថ្ងៃទី​១៤ខែឧសភា​ សភាអ៊ីស្រាអែល នឹងបើកកិច្ចប្រជុំn​ពិសេស លើកដំបូង ដើម្បីបោះឆ្នោតជ្រើសរើសប្រធានរដ្ឋសភាថ្មីជំនួសលោក Benny Gantz ដែលបានលាលែងចេញពីតំណែង​។ ក្រោយមកសភានឹងផ្តល់ទំនុកចិត្តដល់រដ្ឋាភិបាលថ្មី ហើយបណ្តារដ្ឋមន្ត្រីនឹងស្បថចូលកាន់តំណែង​៕ ប្រែសម្រួលដោយ៖  MEO

from： https://tnaot.com/km/m/detail/article/9217337