សារព័ត៌មាន Sputnik នៅថ្ងៃទី១៣ ខែឧសភា បានផ្សាយថា សមាជិកព្រឹទ្ធអាមេរិក​ បានណែនាំ​ឲ្យសភា​អនុញ្ញាត​ដល់ប្រធានាធិបតី ដូណាល់ ត្រាំ ដាក់ទណ្ឌកម្ម​ទៅ​លើប្រទេសចិន ប្រសិនបើទីក្រុងប៉េកាំង​ មិនផ្តល់កិច្ចសហការ​ពេញលេញ​ នៅក្នុងព្រឹត្តិការណ៍​ដែលនាំឲ្យ​មានការឆ្លងរាតត្បាតកូវីដ​១៩ នោះទេ។ នេះបើតាមប្រភព Sputnik​ ​ដកស្រង់សេចក្តីថ្លែងការណ៍​របស់ព្រឹទ្ធសមាជិក​ទាំង​៩រូប ។ 

សមាជិកព្រឹទ្ធសភាទាំង​៩រូបនោះ​ រួមមាន ឈ្មោះ Lindsey Graham, Thom Tillis, Cindy Hyde-Smith, Mike Braun, Rick Scott, Steve Daines, Todd Young, Jim Inhofe, និង Roger Wicker ។ ព្រឹទ្ធសមាជិកទាំងនោះបានចេញសេចក្ដីថ្លែងការ​ណ៍រួមគ្នា​ កាលពីថ្ងៃទី​១២ ខែ​ឧសភា ថា បើគ្មានការបញ្ជាក់ច្បាស់លាស់ ប្រធានាធិបតីអាមេរិកគួរតែត្រូវបានអនុញ្ញាត​ឲ្យដាក់ទណ្ឌកម្ម​ ដូចជា​ទៅលើការ​បង្កកទ្រព្យ​សម្បត្តិ, រារាំងការធ្វើដំណើរ, ដកហូតទិដ្ឋាការ, រឹតត្បិត​ស្ថាប័នពាណិជ្ជកម្ម​ នៅលើទឹកដីសហរដ្ឋអាមេរិក​ ដែលកម្ចីប្រាក់ ឬការធានា​ដល់​ពាណិជ្ជកម្មចិន និងការរារាំងក្រុមហ៊ុន​ចិន ​ចុះក្នុងបញ្ជី​អត្រាប្តូរប្រាក់អាមេរិក​ជាដើម។ 

ព្រឹទ្ធសមាជិក​ទាំងនោះ​ បញ្ជាក់ថា វិធានការ​នេះ​តម្រូវ​ឲ្យលោកប្រធានាធិបតី​ ផ្តល់​ការបញ្ជាក់ច្បាស់លាស់​ទៅកាន់សភា ក្នុងរយៈពេល​៦០ថ្ងៃ​ ដែលថា ប្រទេសចិន​បានចែករំលែក​ពេញលេញ និង​គណនេយ្យភាព​ ចំពោះ​ការស៊ើបអង្កេតទាំង​ឡាយ ពាក់ព័ន្ធ​នឹងកូវីដ​១៩ ដែលធ្វើឡើង ដោយ​សហរដ្ឋអាមេរិក, សម្ពន្ធមិត្តរបស់ខ្លួន ឬភ្នាក់ងារអង្គការសហប្រជាជាតិ ក្នុងនោះរួមបញ្ចូល​ទាំងអង្គការ​សុខភាពពិភពលោកផងដែរ ។ 

សេចក្តីថ្លែងការណ៍ បានបន្តថា សេតវិមាន​គួរតែ​ផ្តល់ដំណឹង​ដល់តំណាងរាស្ត្រ​អាមេរិក​ បើ​បានបិទ​ទីផ្សារ​​​ដែលកំពុងប្រតិបត្តិ ហើយ​បង្ក​ឲ្យមានផ្ទុះនូវហានិភ័យ​ណាមួយ​ទៅលើមនុស្ស និងដោះលែង​ទាំងអស់​ សកម្មជនគាំទ្រលទ្ធិប្រជាធិបតេយ្យ​នៅហុងកុង ដែលត្រូវបាន​ចាប់ខ្លួន​ នៅមុនការការពារ​កូវីដ​១៩ ។ 

ព្រឹទ្ធសមាជិក Graham បាន​អំពាវនាវ​ឲ្យមានការ​ប្រឆាំងនឹង​ចិន​ ទាក់ទងនឹង​វីរុស​កូវីដ​១៩ ហើយថា ចិ​នជាអ្នកទទួលខុសត្រូវ។ លោក​បញ្ជាក់ថា «យើងត្រូវតែសម្រេចចិត្ តថា​តើ​មេរោគនេះមកពី​ណា? ហើយវាទៅណា? ត្រូវតែមានការបិទផ្សារសំណើម ដើម្បីធានាថា វានឹងមិនកើតឡើង​ម្តងទៀតទេ» ។

គួរបញ្ជាក់ថា សមាជិករដ្ឋបាល ដូណាល់ ត្រាំ ខ្លះ រួមទាំង​ប្រធានាធិបតីផ្ទាល់តែម្តង ក៏ដូចជាប្រព័ន្ធផ្សព្វផ្សាយ​អាមេរិក​មួយចំនួន​បានដាក់ការស្តីបន្ទោស ទម្លាក់កំហុស​ទៅលើប្រទេសចិនថា ជាអ្នកបង្កឲ្យ​មានមេរោគនេះ ឆ្លងរាតត្បាត ។ ការទម្លាក់កំហុសនេះ គឺដើម្បីបញ្ចៀស​នូវការស្តីបន្ទោស​ នៅក្នុងស្រុក​ដែលពួកគេ​ខ្វះសមត្ថភាព​ នៅក្នុងទប់ទល់ជាមួយវិបត្តិនេះតែប៉ុណ្ណោះ។ ប្រទេសចិន​តែងតែច្រានចោលរាល់ការចោទប្រកាន់ទាំងនេះ ហើយចិនបាន​ជំរុញ​ដល់​អ្នកនយោបាយអាមេរិក​ កុំធ្វើនយោបាយ​ទៅលើមេរោគ ដែលសម្លាប់មនុស្ស​យ៉ាងសាហាវបែបនេះ ។ 

របាយការណ៍​របស់អង្គការសុខភាពពិភពលោក WHO បានបញ្ជាក់​ កាលពីថ្ងៃទី១២ ខែឧសភា ឆ្នាំ២០២០ថា មនុស្សជិត ៤,១​លាននាក់​ឆ្លងកូវីដ​១៩ ក្នុងនោះ ជាង ២៨៣ ០០០ នាក់បានស្លាប់​ ចាប់តាំងពីជំងឺនេះរាតត្បាតរហូតមក​៕ ប្រែសម្រួលដោយ៖ thach yat 

from： https://tnaot.com/km/m/detail/article/9212452