ថៃ្ងនេះ កាលពីឆ្នាំ២០១៣ មនុស្សរាប់ម៉ឺននាក់ បូករួមទាំងកីឡាករ បុគ្គលិកក្លឹប បានប្រមូលផ្ដុំគ្នាដើម្បីអបអរក្នុងការដើរចូលក្នុងទីលាននៃកីឡដ្ឋាន Old Trafford ជាលើកចុងក្រោយរបស់លោក Sir Alex Ferguson ក្នុងនាមជាគ្រូបង្វឹករបស់ក្រុមបិសាចក្រហម Manchester United។

បន្ទាប់ពីប្រកាសថា រូបលោកនឹងចូលនិវត្ដន៍នៃបំណាច់រដូវកាលឆ្នាំ២០១២/២០១៣ គ្រូបង្គោលដែលជោគជ័យបំផុតក្នុងប្រវត្ដិសាស្រ្ដបាល់ទាត់អង់គ្លេសនេះ បានអបអរសាទរនៃការដឹកនាំក្រុមក្នុងការប្រកួត ៧២៣ប្រកួតរបស់លោក ខណ:ការប្រកួតនោះគឺទល់នឹង Swansea City ដោយយកឈ្នះនៅចុងម៉ោង ២-១។

រយ:ពេល២៦ឆ្នាំ នៃការដឹកនាំ Man Utd តាំងពីមិនសូវខ្លាំង រហូតក្លាយជាក្លឹបមួយដ៏ជោគជ័យជាងគេនៅអង់គ្លេស Sir Alex Ferguson ត្រូវបានមនុស្សគ្រប់គ្នាដាក់ងារ ជាកំពូលអ្នកដឹកនាំដ៏អស្ចារ្យ ត្បិតលោកមិនសូវចំណាយលុយទិញកីឡាករនោះទេ ប៉ុន្ដែនៅតែអាចបង្វឹកក្រុមទាំងមូលទទួលបានជោគជ័យ៕

ប្រភព៖ Sportbibble

from： https://tnaot.com/km/m/detail/article/9212450