បញ្ហាជាច្រើន ដែលប្រធានាធិបតីអាមេរិក ដូណាល់ ត្រាំ កំពុងប្រឈមមុខ គឺសង្គ្រាមប្រឆាំងនឹងកូវីដ១៩ ។ សារព័ត៌ CNN កាលពីថ្ងៃទី​១២ ខែឧសភា បានដកស្រង់សម្ដីប្រធានាធិបតីអាមេរិក ដូណាល់ ត្រាំ បានបញ្ជាក់ថា លោកគ្មានអារម្មណ៍ នៅក្នុងការពិភាក្សាជាមួយចិន ជុំវិញ​វិស័យពាណិជ្ជកម្មទៀតឡើយ ។

លោក ត្រាំ បានបញ្ជាក់ថា លោកប្រឆាំងនឹងការតភ្ជាប់កិច្ចពិភាក្សា ស្តីពីពាណិជ្ជកម្ម ដំណាក់កាលទីមួយជាមួយចិន ។ ជាមួយគ្នានេះដែរ លោក ត្រាំ មានបំណងចង់លុបចោលកិច្ចព្រមព្រៀងដំណាក់កាលទីមួយ​ថែមទៀតផង ។

លោក ត្រាំ បញ្ជាក់ថា អាមេរិក បានតាមដាន ថាតើចិនបានបង្កើនការទិញផលិតផលពីអាមេរិក ដូចកិច្ចព្រមព្រៀងដែរឬទេ? លោក ត្រាំ បានលើកឡើងថា ​«​ចិនមិនបានបង្កើនការទិញទំនិញពីអាមេរិកឡើយ សូម្បីតែបន្តិច​។ ពាក់ព័ន្ធនឹងកិច្ចពិភាក្សាជាបន្តទៀតជាមួយចិន លោក ត្រាំ បញ្ជាក់ថា «ខ្ញុំគ្មានអារម្មណ៍​បន្តពិភាក្សាទៀតឡើយ»។

ទំនាក់ទំនង រវាងអាមេរិក និងចិន កាន់តែតានតឹងពីមួយថ្ងៃទៅមួយ ដោយសារតែការរាលដាលកូវីដ​១៩។ ​លោក ត្រាំ បានបង្ហាញ​ការ​​​យ៉ាង​ខ្លាំង ដោយសារការខិតខំរបស់លោក រយៈពេល ជាង​៣ឆ្នាំកន្លងមក ត្រូវបានបំផ្លាញទាំងស្រុង នៅពេលនេះ​។ កត្ដាទាំងនេះហើយ ទើប​លោក​ទមា្លក់កំហុស​ទាំងឡាយទៅលើប្រទេសចិន​ ឲ្យទទួលខុសត្រូវ ៕ ប្រែសម្រួលដោយ៖​MEO

from： https://tnaot.com/km/m/detail/article/9212349