ស្ថានភាពជំងឺកូរ៉ូណាវីរុស​ប្រភេទថ្មី ឬកូវីដ​១៩ (COVID-19) ​នៅជុំវិញពិភពលោក បានកើនឡើង ​ជាង ៤ ២៥០ ២៥១ នាក់ ក្នុងនោះ​បាត់បង់ជីវិត ២៨៦ ៩៥១ នាក់ និង១ ៥២៤ ៩៤៥ នាក់​ បានជាសះស្បើយឡើងវិញហើយដែរ។ 

នេះបើតាមប្រភព​ Worldometers.info ផ្សាយឲ្យដឹងអំពីតួលេខ​ នៅថ្ងៃទី​១២ ខែឧសភា ឆ្នាំ២០២០ ។ 

គួរបញ្ជាក់ថា ជំងឺ​កូវីដ​១៩ នៅមិនទាន់រកឃើញថ្នាំព្យាបាល ឬវ៉ាក់សាំង​បង្ការជាក់លាក់នៅឡើយ ខណៈ​វាកំពុងតែឆ្លងរាតត្បាត​នៅដែនដី និងប្រទេស​ចំនួន​២២៩ នៅជុំវិញពិភពលោក ។ 

វីរុសនេះ​ផ្ទុះឡើងដំបូងគេ នៅអំឡុងខែធ្នូ ឆ្នាំ២០១៩ នៅទីក្រុងវូហាន ខេត្តហ៊ូប៉ី ភាគកណ្តាល​ នៃប្រទេសចិន ។ ជំងឺនេះ​បានឆក់យកជីវិត​មនុស្ស​នៅប្រទេសចិន​សរុប ៤ ៦៣៣នាក់ ។ បច្ចុប្បន្ននេះ អាមេរិក​ ជាប្រទេស​រងគ្រោះបំផុត​ ដោយសារជំងឺ​ឆ្លងពីមនុស្ស​ទៅលើ​មនុស្សនេះ ។ 

ប្រភព wikipedia អះអាងថា អាមេរិក​មានអ្នកឆ្លងសរុប ១ ៣៨១ ១៥០ នាក់ ក្នុងនោះ​បាត់បង់ជីវិត ៨១ ៣៧៨ នាក់ និង ២១៩ ០៧៩ នាក់បានជាសះស្បើយ ។ 

បន្ទាប់ពីអាមេរិក គឺប្រទេសអេស្ប៉ាញ ។ អេស្ប៉ាញ​មានអ្នកឆ្លង​ ២២៧ ៤៣៦​នាក់ ក្នុងនោះ បាត់បង់ជីវិត ២៦ ៧៤៤ នាក់ និង​១៣៧ ១៣៩ នាក់បានជាសះស្បើយ ។

ចំណែកអង់គ្លេសវិញ ក្លាយជាប្រទេសរងគ្រោះទី៣នៅលើពិភពលោកដោយសារវីរុសនេះ ។ អង់គ្លេសមានអ្នកឆ្លងសរុប ២២៣ ០៦០ នាក់ ក្នុងនោះបាត់បង់ជីវិត ៣២ ០៦៥នាក់ និងមិនមានរបាយការណ៍​អំពី​អ្នកជាសះស្បើយនោះឡើយ ៕ ប្រែសម្រួលដោយ៖ thach yat 

from： https://tnaot.com/km/m/detail/article/9208271