សួនសត្វជាទីរកចំណូលពីអ្នកទេសចរ ប៉ុន្តែនៅពេលបិទប្រទេស ទើបធ្វើឲ្យ​វិស័យ​ទេស​ចរ​ណ៍ រងផលប៉ះពាល់យ៉ាងខ្លាំង ជាពិសេស គឺសួនសត្វ ត្រូវប្រឈមនឹងការ អត់​ចំណីឲ្យសត្វស៊ី ហើយសត្វរាប់សិបពាន់ក្បាល​នឹងងាប់ដោយ​ការអត់ចំណី ដោយសារតែកូវីដ១៩។

កន្លងមក សត្វដំរីនៅក្នុងប្រទេសថៃបានរងផល់ប៉ះពាល់ដោយការអត់ចំណី ខណៈបិទប្រទេស គ្មានអ្នកទេសចរទៅជិះដំរីលេងកម្សាន្ត។ នៅពេលនេះសួនសត្វ រហូតដល់ទៅ៦០កន្លែង ត្រូវ​បិទទ្វារ ចាប់តាំងពីពាក់កណ្តាលខែមីនា រហូតមកទល់ពេលនេះ ធ្វើឲ្យសត្វអត់ចំណី។ ការ​បិទប្រទេសនេះ កុំថាឡើយតែសត្វ សូម្បីតែមនុស្សក៏រកទិញអាហារ​បរិភោគមិនបានផង ដោយសារការរាតត្បាត នៃកូវីដ១៩។

មន្ត្រីអភិរក្សសត្វព្រៃឥណ្ឌូនេស៊ី បានឲ្យដឹងថា មានសត្វព្រៃរាប់សិបពាន់ក្បាល ក្នុងនោះ​មាន​ទាំងសត្វខ្លាស៊ូម៉ាត្រាន ( Sumatran) និងសត្វ Bornean កំពុងប្រឈមនឹង​ការផុតពូជ ក៏អត់​ចំណី​ផងដែរ ដោយសារតែកូវីដ១៩ រាលដាលនៅក្នុងប្រទេសនេះ។ សួនសត្វជាង ៦០កន្លែង នៅក្នុងប្រទេសតំបន់អាស៊ានមួយនេះ ដែលមានសត្វព្រៃ ប្រមាណ៧​ម៉ឺនក្បាល ត្រូវបិទទ្វារ តាំងពីពាក់កណ្តាលខែមីនា រហូតមកទល់​ពេលនេះ ។

លោក Sulhan Syafi ប្រធានសមាគមន៍សួនសត្វ នៅក្នុងប្រទេស​ឥណ្ឌូនេស៊ី បានឲ្យដឹងថា ចំណីសត្វ គឺបានមកពីចំណូលលក់សំបុត្រចូលទស្សនា ប៉ុន្តែចាប់​តាំង​ពីការបិទប្រទេសមក មិនមានអ្នកណាទៅសួនសត្វឡើយ។ រីឯចំណីសត្វក៏​ត្រូវអស់ នៅពាក់កណ្តាលខែឧសភានេះ ហើយបើមិនមានវិធានការ​នោះទេ នឹងមាន​សត្វជាច្រើន​ងាប់​ដោយសារការអត់ចំណី។ នៅពេលនេះសត្វមួយចំនួនដែលងាយរក ហើយនៅមានសត្វជា​ច្រើន​ទៀត អាចនឹងក្លាយជាចំណីរបស់សត្វផ្សេងទៀត៕ ប្រែ​សម្រួល​ដោយ៖ MEO

from： https://tnaot.com/km/m/detail/article/9205968