Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

ស្វែងយល់ពី៖ នោមច្រើន

នោមច្រើន ឬពាក្យបច្ចេកទេសថា Nocturia គឺជាពាក្យបច្ចេកទេស ដែលសំដៅទៅលើ ការបត់ជើងតូចច្រើន នៅពេលយប់។ ដោយសារ តាមធម្មតា អំឡុងពេលដែលយើងដេក រាងកាយរបស់យើងផលិតទឹកនោម ក្នុងកម្រិតមួយតិចតួចប៉ុណ្ណោះ ប៉ុន្តែក្នុងករណីអ្នកជម្ងឺនេះ ភ្ញាក់ពីដំណេកដើម្បីបត់ជើងតូច យ៉ាងហោច ២ ដង ឬច្រើនជាងនេះ ក្នុងមួយយប់។  

រោគសញ្ញានៃជំងឺនេះមានដូចជា៖

• នោមញឹកញាប់ទាំងយប់ទាំងថ្ងៃ

• នោមឈឺឬក្រហាយ និងពិបាកនោម។

ជម្ងឺនេះ កើតលើមនុស្សគ្រប់វ័យ តែភាគច្រើន កើតលើមនុស្សចាស់។ 

មូលហេតុ បង្កឱ្យមានជម្ងឺនេះ អាចបណ្ដាលមកពី កត្តាជាច្រើនដូចខាងក្រោម៖

១. ក្នុងស្ថានភាពជំងឺមួយចំនួន

មូលហេតុចម្បងដែលបង្កឱ្យមានរោគសញ្ញានោមយប់ច្រើន គឺដោយសារការបង្ករោគនៅផ្លូវបង្ហូរនោម និងកត្តាផ្សេងទៀតដូចជា៖

• ការលាកក្រពេញប្រូស្តាតនឹងការរីកក្រពេញប្រូស្តាត

• ការស្រុតចុះនៃសរីរាង្កប្លោកនោម

• មានដុំសាច់នៅប្លោកនោម, នៅក្រពេញប្រូស្តាត ឫដុំសាច់នៅក្នុងអាងត្រគាក ចំពោះស្រ្តីជាដើម។

• ចំពោះអ្នកជំងឺទឹកនោមផ្អែម

• អ្នកជំងឺមានវិបត្តិផ្លូវចិត្ត

• ការបង្ករោគនៅក្នុងតំរង់នោម

• ចំពោះអ្នកជំងឺមានបញ្ហាខ្សោយសរីរាង្ក ដូចជាខ្សោយបេះដូងនិង ខ្សោយសរីរាង្កថ្លើមជាដើម។ 

• ចំពោះអ្នកជំងឺគេងស្រមុក

• ជំងឺផ្នែកប្រពន្ធ័ប្រសាទដូចជា ជំងឺ Parkinson នឹង Spinal cord compression( ដោយសារគ្រោះថ្នាក់ជាដើម)។

២.ចំពោះស្រ្តីមានផ្ទៃពោះ

រោគសញ្ញានោមយប់ញឹកញាប់ក៏កើតមាន ចំពោះស្រ្តីមានផ្ទៃពោះ ក្នុងអំឡុងត្រីមាសដំបូង និងជិតគ្រប់ខែផងដែរ។

៣.ការប្រើប្រាស់ថ្នាំពេទ្យ

ផលរំខាននៃការប្រើថ្នាំមួយចំនួន ក៏ជាមូលហេតុនាំឱ្យ នោមយប់ច្រើនផងដែរ ដូចជាថ្នាំ Diuretic ដែលប្រើសំរាប់ព្យាបាល ការលើសសំពាធឈាមជាដើម។

៤.របៀបរបបក្នុងការរស់នៅ

ការទទួលទានទឹកច្រើន ក៏ជាមូលហេតុផងដែរ។ សារធាតុអាកុល និង សារធាតុកាហ្វេអុីនគឺជា Diuretic ( ធ្វើអោយមាន ការបញ្ចុះទឹកនោម ), ការទទួលទានស្រា និងកាហ្វេច្រើន ក៏អាចឱ្យអ្នកនោមច្រើន នៅពេលយប់ផងដែរ។

ការធ្វើរោគវិនិច្ឆ័យ៖

• ពិនិត្យឈាមៈ រកមើលការបង្ករោគក្នុងឈាម មុខងារតំរងនោម មុខងារក្រពេញ thyroid, ពិនិត្យរកមើលការប្រឈម នឹងទឹកនោមផ្អែម និងបញ្ហាផ្សេងទៀត។

• វិភាគទឹកនោម និងបណ្តុះរកមេរោគក្នុងទឹកនោម ដើម្បីរកមើលការបង្ករោគផ្លូវទឹកនោម។

• ឆ្លុះប្លោកនោមៈ រកមើលដុំសាច់ក្នុងប្លោកនោម និងរកមើលបញ្ហាផ្សេងៗ ក្នុងប្លោកនោម។

• អេកូសាស្រ្ត ដើម្បីពិនិត្យរកមើលបញ្ហា ក្នុងតំបន់អាងត្រគាក និងពិនិត្យមើលសរីរាង្កក្នុងពោះ។

ការព្យាបាល៖

ផ្លាស់ប្តូររៀបរបបក្នុងការរស់នៅ

• កាត់បន្ថយការទទួលទានទឹកនៅពេលយប់ និងត្រូវញាំមុនពេលចូលគេងយ៉ាងតិច ២ទៅ ៤ម៉ោង។ 

• ត្រូវកាត់បន្ថយការផឹក កាហ្វេ ស្រា និងតែ នៅពេលល្ងាច។

• គ្រប់គ្រង់ការប្រើប្រាស់ថ្នាំបញ្ចុះទឹកនោមរបស់អ្នក

ក្នុងករណីអ្នកទទួលថ្នាំបញ្ចុះទឹកនោម អ្នកត្រូវពិគ្រោះជាមួយគ្រូពេទ្យរបស់អ្នក ក្នុងការញ៉ាំថ្នាំអោយបាន ៦ ម៉ោងមុនពេលចូលគេង នោះវានឹងកាត់បន្ថយការនោមច្រើននៅពេលយប់។

ប្រសិនបើការផ្លាស់ប្តូរបៀបរបបក្នុងការស់ ហើយនៅតែមិនអាចជួយឱ្យកាត់បន្ថយបាន អ្នកអាចធ្វើការពិគ្រោះជាមួយគ្រូពេទ្យ ដើម្បីរកមើលមូលហេតុដែលបង្ក៕

បកស្រាយដោយ៖ វេជ្ជបណ្ឌិត ជីវ វ៉េងដារ៉ូត (Health Education Series)

from: https://tnaot.com/km/m/detail/article/9205259