លោក Arsene Wenger បាននិយាយថា Kylian Mbappe គឺជាកីឡាករតែម្នាក់ប៉ុណ្ណោះ ដែលអាចជំនួសតំណែង Lionel Messi និង Cristiano Ronaldo ក្នុងនាមជាកីឡាករល្អជាងគេលើលោក, ប៉ុន្ដែក៏បានបញ្ជាក់ដែរថា កីឡាករល្អៗរបស់អង់គ្លេស ក៏មិនស្ថិតនៅឆ្ងាញពីគេប៉ុន្មានដែរ។

Messi និង Ronaldo បានធើ្វការប្រកួតប្រជែងគ្នាអស់ពេលជិត១៥ឆ្នាំទៅហើយ ប៉ុន្ដែសព្វថៃ្ងពួកគេទាំងពីរមានវ័យ ៣២, និង៣៥ឆ្នាំទៅហើយ ខណ: Wenger បានបញ្ជាក់ថា ការទទួលបាននូវសមិទ្ធផលដ៏ច្រើនរបស់ពួកគេទាំងពីរ និងមិនអាចគង់វង្សបានរហូតនោះទេ។

«ពួកយើងមិនដែលឃើញកីឡាករណា ដែលអាចកែប្រែគ្រប់ស្ថានការណ៍ដូចពួកគេនោះទេ» Wenger និយាយប្រាប់ talkSPORT។

«ប៉ុន្ដែពេលនេះពួកគេ (Messi, Ronaldo) កាន់តែមានវ័យទៅមុហើយ។ យ៉ាងណាក្ដី កីឡាករជំនាន់ក្រោយគឺកំពុងរះ ហើយកីឡាករនោះប្រហែលជាសញ្ជាតិបារាំង។ ក្នុងពេលបច្ចុប្បន្នកីឡាករដែលកំពុងនាំមុខមានដូចជា Mbappe, Neymar, ប៉ុន្ដែក្នុងនោះក៏មានកីឡាករអង់គ្លេសដែរ»៕

ប្រភព៖ Dailymail

from： https://tnaot.com/km/m/detail/article/9205118