ការបោះឆ្នោតអាមេរិក នៅខែវិច្ឆិកា ឆ្នាំ​២០២០ កំពុងប្រឈមនឹងបញ្ហាជាច្រើន ដោយសារតែស្ថានភាពកូវីដ​១៩ មិនទាន់ស្ងប់ស្ងាត់ ហើយ​ថែមទាំង​កើនឡើងខ្ពស់ទៀតផង​។ កត្ដាទាំងនេះហើយ វាអាចប៉ះពាល់ដល់ការបោះឆ្នោតប្រធានាធិបតីអាមេរិក។

តើអ្នកណានឹងដឹកនាំអាមេរិកជាបន្ត ប្រសិនបើអាមេរិកមិនអាចរៀបចំការបោះឆ្នោតបាន ដោយសារតែកូវីដ​១៩? ប៉ុន្តែសម្រាប់អាមេរិក ការបោះឆ្នោត នៅតែដំណើរការធម្មតា បើមិនអាចបោះឆ្នោតផ្ទាល់បាន ពលរដ្ឋ​អាចបន្តបោះឆ្នោតតាមប្រៃសណីយ៍ ។ ភាគរយ នៃ​ការ​ផ្អាកបោះឆ្នោត នៅអាមេរិក មានទាប ប៉ុន្តែវាក៏អាចប្រឈមនឹងការផ្អាកផងដែរ ប្រសិនបើកូវីដ១៩​ស្ថិតនៅដំណាក់​កាលគ្រោះថ្នាក់បំផុត​។

នៅក្នុងរដ្ឋធម្មនុញ្ញអាមេរិក ក៏មិនបានកំណត់ឲ្យច្បាស់រឿងនេះដែរ ដោយសារតែមិនធ្លាប់កើតឡើង ក្នុងប្រវត្តិសាស្ត្រ អាមេរិក  ប៉ុន្តែ​វាអានឹងកើតឡើង នៅក្នុងឆ្នាំនេះ។

ដូច្នេះក្រុមអ្នកច្បាប់អាមេរិក កំពុងតែធ្វើការពាក់ព័ន្ធនឹងរឿងនេះ អ្វីគ្រប់យ៉ាង គឺចាប់ផ្តើមចេញពីរដ្ឋធម្មនុញ្ញ​។ បើមិនអាចបោះឆ្នោតបាន ហើយប្រធានាធិបតីមិនអាចបន្តដឹកនាំប្រទេសបាន ពេលនោះសភាអាមេរិក ជាអ្នកមានសិទ្ធិសម្រេចជ្រើសរើសបុគ្គលដឹកនាំអាមេរិក តាម​រយៈការបោះឆ្នោតជ្រើសរើសក្នុងសភា ។

ខុសប្លែកពីប្រទេសមួយចំនួន បើមិនអាចរៀបចំការបោះឆ្នោតបាន ប្រធានាធិបតី ឬអនុប្រធានាធិបតី​ត្រូវតែដឹកនាំប្រទេស រហូតដល់មាន​រដ្ឋាភិបាលថ្មីកើតឡើង។ ប៉ុន្តែដោយសារអាមេរិក មិនមានចែងនៅក្នុងរដ្ឋធម្មនុញ ទើបអំណាចត្រូវផ្តល់ជូនសភា ៕ ប្រែសម្រួល​ដោយ៖​MEO

from： https://tnaot.com/km/m/detail/article/9205023