កាសែត​ ញូវយ៉កថាមស៍ មុននេះ​បានផ្សាយថា ទីក្រុងតេអេរ៉ង់​​ និងទីក្រុងវ៉ាស៊ីនតោន​បាននិងកំពុងពិភាក្សាគ្នា​លើការដោះដូរអ្នកទោស​​ ដែលជាទាហានជើងទឹក​អាមេរិក និងមានវ័យចំណាស់​ម្នាក់ឈ្មោះ Michael R. White ដោះដូរ​ជាមួយអ្នកទោស​វេជ្ជបណ្ឌិត​អ៊ីរ៉ង់ម្នាក់មិនស្គាល់ឈ្មោះ ដែលត្រូវអាមេរិកចាប់ឃុំខ្លួន ។ 

លោក​ Ali Rabiei អ្នកនាំពាក្យ​រដ្ឋាភិបាល​អ៊ីរ៉ង់បានថ្លែងថា រដ្ឋាភិបាលត្រៀម​ដោះដូរអ្នកទោស​ម្នាក់ជាមួយ​អាមេរិក ។ ប្រភព KhabarOnline បានផ្សាយថា ការដោះដូរអ្នកទោស​នេះ មិនមានលក្ខខណ្ឌអ្វីនោះឡើយ ។ 

លោកក៏បានថ្លែងដែរថា ទីក្រុងតេអេរ៉ង់បានស្នើឲ្យសហរដ្ឋអាមេរិកទទួលខុសត្រូវចំពោះសុវត្ថិភាពអ្នកទោសអ៊ីរ៉ង់ម្នាក់នោះ ។ លោកបន្ថែមថា“ មិនចាំបាច់មានប្រទេសទី៣ សម្រុះសម្រួលរវាងអ៊ីរ៉ង់ និងអាមេរិក សម្រាប់ការដោះដូរអ្នកទោសទេ” ។

កាលពីឆ្នាំមុន ប្រទេសទាំងពីរបានដោះដូរអ្នកទោសគ្នា គឺអ្នកវិទ្យាសាស្ត្រអ៊ីរ៉ង់ម្នាក់ឈ្មោះ Massoud Soleimaniដែលអាមេរិកចាប់ឃុំខ្លួន ហើយដោះដូរជាមួយ សាស្ត្រាចារ្យជនជាតិអាមេរិកាំង កាត់អាមេរិកម្នាក់ឈ្មោះ Xiyue Wang ដែលត្រូវបានឃុំខ្លួននៅក្នុងប្រទេសអ៊ីរ៉ង់ ។ ប្រទេសស្វីស ត្រូវបានគេដឹងថា ជាអ្នកសម្រុះសម្រួលឱ្យសហរដ្ឋអាមេរិក នៅអ៊ីរ៉ង់​បានដោះដូរអ្នកទោសនៅក្នុងគ្រានោះ ៕ ប្រែសម្រួលដោយ៖ thach yat

from： https://tnaot.com/km/m/detail/article/9204131