Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

ពាក្យសម្ដីទាំង ៨ ម៉ាត់ពីមាត់ម្ដាយស្ដាប់ហើយកូនទប់ទឹកភ្នែកមិនជាប់ឡើយ! អានហើយយល់ពីទំហំគុណរបស់ម្ដាយយើង!

កាលពីលើកមុន យើងបានលើកអត្ថបទស្ដីពីទឹកចិត្តដ៏ធំធេងលោកឪពុករួចមកហើយ។ ពេលនេះយើងសូមលើកយកឃ្លាជាច្រើនដែលអ្នកម្ដាយភាគច្រើនតែងនិយាយទៅកាន់កូនៗ​ ដើម្បីមិនចង់ឱ្យកូនៗមានការព្រួយបារម្ភពីគាត់។ បើស្ដាប់ហើយប្រាកដជាពិបាកទប់ទឹកភ្នែកណាស់!

១ ពេលមានម្ហូបមិនគ្រប់គ្រាន់ គាត់តែងនិយាយថា “ម៉ែមិនឃ្លានទេកូន!”

២ ពេលមានម្ហូបឆ្ងាញ់ គាត់តែងនិយាយថា “ម៉ែមិនចូលចិត្តទេកូន! កូនញ៉ាំទាំងអស់ចុះ!”

៣ ពេលគ្មានប្រាក់គ្រប់គ្រាន់គាត់និយាយថា “ម៉ែមិនចូលចិត្តខៅអាវថ្មីទេ! ខោអាវចាស់ស្រួលពាក់ហើយ! កូនមិនបាច់ទិញទេ!”

៤ ពេលនឿយហត់អស់កម្លាំង គាត់តែងនិយាយថា “ម៉ែមិនហត់ទេ! ម៉ែអាចទ្រាំបាន!​ “

៥ ពេលធ្វើការពេញមួយថ្ងៃ ហើយសម្រាន្ដយប់ជ្រៅ គាត់តែងថា “ម៉ែមិនងងុយទេកូន! កូនគេងមុនទៅ!”



៦ ពេលគាត់ខ្ចីលុយគេឱ្យកូនរៀន គាត់តែងកុហកថា “លុយម៉ែទេកូន! កុំខ្វល់អី ខំតែរៀនទៅ!”

៧ ពេលកូនទិញខោអាវថ្មិ ម្ដាយទាំងសរសើរថា “គ្មាននរណាស្អាត ឬសង្ហារជាងកូនម៉ែទេ!”

៨ ពេលគាត់ឈឺគាត់តែងនិយាយថា “ម៉ែមិនអីទេកូន! ស្អែកៗម៉ែជាវិញហើយ!”

ឃ្លាខាងលើជាអ្វីដែលកូនៗភាគច្រើនតែងលឺចេញពីមាត់អ្នកម្ដាយ ដែលបង្ហាញពីទឹកចិត្តមិនអាចកាត់ថ្លៃបានរបស់ពួកគាត់ចំពោះកូនៗ។ សូមតបស្នងទៅគាត់វិញតាមដែរអ្នកអាចធ្វើបាន ជាពិសេសទាន់នៅមានឱកាស៕

from: https://tnaot.com/km/m/detail/article/9204029