Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

ឆ្មាំសមុទ្រអង់គ្លេស​សង្គ្រោះជនចំណាកស្រុក​ជាង១០០នាក់

ឆ្មាំសមុទ្រ​របស់អង់គ្លេស​បាន​ជួយសង្គ្រោះជនចំណាកស្រុកជាង​១២០នាក់​ ធ្វើដំណើរ​តាមទូកតូចៗ​៧គ្រឿង ។ អ្នកនាំពាក្យ​ឆ្មាំសមុទ្រ​ខាងជើង​ខាងជើង​របស់អង់គ្លេស​បញ្ជាក់ថា ការជួយសង្គ្រោះនេះ​បានធ្វើឡើង​កាលពី​យប់ថ្ងៃទី​៧ ខែឧសភា ឆ្នាំ២០២០ ។ 

ឆ្មាំព្រំដែន​សមុទ្រ​អង់គ្លេស និងបារាំង​ប៉ុន្មានខែថ្មីៗចុងក្រោយនេះ​បានស្ទាក់ចាប់​និងឃាត់ជនចំណាកស្រុក​ជាច្រើន​ដែលព្យាយាម​​ធ្វើដំណើរ​ក្នុងមធ្យោបាយនានា​ពីតំបន់អាស៊ី និងអាហ្វ្រិក​ចូលទៅកាន់ចក្រភពអង់គ្លេស ។ 

ជនភៀសខ្លួនខ្លះ​បានព្យាយាមចាកចេញពីជំរំ​ក្នុងប្រទេសបារាំង​​ទៅកាន់អង់គ្លេសផងដែរ បើទោះប្រឈម​មុខ​គ្រោះថ្នាក់​យ៉ាងណាក៏ដោយ ។ នេះបើតាមការអះអាងរបស់ Clare Moseley ស្ថាបនិកអង្គការសប្បុរសធម៌ Care4Calais ផ្សព្វផ្សាយ​នៅលើគេហទំព័រ the Daily Telegraph កាលពីថ្ងៃទី៩ ខែឧសភា ឆ្នាំ២០២០ ។ 

ប្រភពបានបញ្ជាក់ផងដែរ អំពីការលំបាកក្នុងការអនុវត្តវិធានការណ៍ឃ្លាតឆ្ងាយពីសង្គម ដើម្បីប្រយុទ្ធប្រឆាំងវីរុសកូវីដ​១៩ នៅក្នុងជំរំជនភៀសខ្លួន ។ ជនចំណាកស្រុកទាំងនេះកំពុងរត់គេចពីស្ថានភាពដ៏គួរឱ្យភ័យខ្លាចនៅក្នុងតំបន់ដែលមានគ្រោះថ្នាក់បំផុតមួយចំនួន ។ ពួកគេមានគោលបំណងទៅកាន់ចក្រភពអង់គ្លេសពីព្រោះពួកគេចង់មានសុវត្ថិភាព ៕ ប្រែសម្រួលដោយ៖ thach yat

from: https://tnaot.com/km/m/detail/article/9203689