Covid 19 គឺជាប្រធានបទដ៏ក្តៅគគុកខ្លាំងនៅពាក់កណ្តាលដំបូងនៃ២០២០។ វាបានបង្កជាបញ្ហាជាច្រើនដល់មនុស្សជាតិគ្រប់ប្រទេស ធ្វើអោយមានការឈឺ ស្លាប់ ខាតបង់ថវិកា និង បាត់បង់សេរីភាពជាដើម ល។ អ្នកខ្លះថា ជំងឺនេះកាចសាហាវខ្លាំងដែលអ្នកកើតវាសុទ្ធតែស្លាប់ ។ ប៉ុន្តែវាមិនមែនជាការពិតទេ។ ភាពធ្ងន់ស្រាលនៃជំងឺនេះអាស្រ័យកត្តាមួយចំនួនដូចជា៖ 

1 អាយុ៖

មនុស្សចាស់គឺពិតជាអាចមានរោគសញ្ញាធ្ងន់ធ្ងរជាងអ្នកដែលមានអាយុក្មេង។ ប៉ុន្តែនេះមិនមែនមានន័យថាក្មេងមិនអាចស្លាប់ដោយសារជំងឺនេះទេ។ ថ្មីៗនេះគេក៏បានរាយការណ៏ពីការស្លាប់របស់មនុស្សក្មេងដោយសារ Covid 19ដែរ។

2 ជំងឺប្រចាំកាយ៖

អ្នក​ដែល​មាន​ជំងឺ​បេះដូង ជំងឺទឹកនោមផ្អែម និងជំងឺមហារីក​ផ្សេងៗអាច​មាន​ភាគរយ​ច្រើន​ក្នុង​ការ​មាន​រោគសញ្ញា​ធ្ងន់ធ្ងរ និង​អាច​ស្លាប់​ផងដែរ ហើយ​ភាគច្រើន​អ្នកជំងឺ​​ត្រូវ​សម្រាក​នៅ​មន្ទីរពេទ្យ។

3 ហ្សែនណេទិច៖

រ៉េសិបទ័រម្យ៉ាងឈ្មោះACE ប្រភេទទី២ ដែលស្ថិតនៅកោសិកា គឺជាផ្នែកមួយដែលអោយវីរុស Covid 19 ទៅភ្ជាប់បាន។ ដូចនេះ ភាពខុសគ្នាខ្លះៗនៃរ៉េសិបទ័រ អាចធ្វើអោយការឆ្លងជំងឺនេះខុសគ្នាដែរ។

4 ប្រវត្តិចាក់វ៉ាក់សាំង៖

យើងសង្កេតឃើញអំពី កំរិតធ្ងន់ធ្ងរនៃ covid 19 នៅប្រទេសលោកខាងលិច ដែលជាប្រទេសមិនសូវជឿលើវ៉ាក់សាំង។ ខុសគ្នាពីប្រទេសមួយចំនួនដែលមានកម្មវិធីចាក់វ៉ាកសាំងថ្នាក់ជាតិ ពិសេសវ៉ាក់សាំងរបេង (BCG)ដែលមានការឆ្លងcovid 19 កំរិតទាប។ 

from： https://tnaot.com/km/m/detail/article/9203492