Sign In 
ក្រសួងការពារជាតិវេណេហ្ស៊ុយអេឡាបានថ្លែងការណ៍ថា កងកម្លាំងយោធាវេណេហ្ស៊ុយអេឡាបានរកឃើញទូកប្រយុទ្ធធុនស្រាល ដែលត្រូវបានបោះបង់ចោលចំនួន៣គ្រឿង ប៉ុន្តែទូកទាំងនោះមាននិមិត្តរូបអត្តសញ្ញាណសម្គាល់ថាជារបស់កងទ័ពជើងទឹកកូឡុំប៊ី ។ 
ប្រភព sputnik ផ្សាយនៅថ្ងៃទី១០ ខែឧសភា ឆ្នាំ២០២០ទៀតថា កងកម្លាំងវេណេហ្ស៊ុយអេឡាល្បាតបានឃើញទូកទាំងនេះ ប៉ុន្តែមិនឃើញនាវិកណាម្នាក់ ។ នៅក្នុងទូកនោះមានគ្រាប់រំសេវ និងអាវុធផងដែរ ។ ការរកឃើញនេះស្ថិតនៅលើដងទន្លេ Orinoco ។
ទាក់ទងបញ្ហានេះ កូឡុំប៊ីមិនបានធ្វើអត្ថាធិប្បាយបែបណានៅឡើយទេ ។ 
គួរបញ្ជាក់ថា ប៉ុន្មានថ្ងៃកន្លងនេះ វេណេហ្ស៊ុយអេឡាបានប្រកាសថា បានសម្លាប់ និងចាប់ខ្លួនទាហានស៊ីឈ្នួលជាឃាតកមកពីប្រទេសកូឡុំប៊ីចូលតាមសមុទ្រ ក្នុងសកម្មភាពមួយប៉ុនប៉ងធ្វើឃាត ឬចាប់ខ្លួនមេដឹកនាំនីកូឡាស់ ម៉ាឌូរ៉ូ យកទៅសម្លាប់នៅអាមេរិក ។ គេបានលើកឡើងទៀតថា ការលុកលុយនោះមានអាមេរិក និងកូឡុំប៊ីនៅពីក្រោយខ្នង ។ 
ការចោទប្រកាន់បែបនេះរបស់វេណេហ្ស៊ុយអេឡាត្រូវបានទីក្រុងវ៉ាស៊ីនតោន ហើយនិងកូឡុំប៊ីប្រកាសបដិសេធ។ គេថា វេណេហ្ស៊ុយអេឡាបានធ្វើបែបនេះដើម្បីបញ្ចៀសពីការចាប់អារម្មណ៍អំពីវិបត្តិផ្ទៃក្នុងរបស់ប្រទេសនេះប៉ុណ្ណោះ ៕ ប្រែសម្រួលដោយ៖ thach yat
