លេខាព័ត៌មានរបស់អនុប្រធានាធិបតីអាមេរិក លោក Mike pence គឺនាង Katie Miller​ បានធ្វើតេស្តរកឃើញឆ្លងកូវីដ១៩។ ជាមួយគ្នានេះ​ទឹកដីអាមេរិក នៅតែជាប្រទេសឆ្លងកូវីដ១៩ច្រើនជាងគេបំផុត។

លោក ត្រាំ បានប្រកាសថា ​«លោកស្រី​ Katie Miller បានធ្វើតេស្តអវិជ្ជមាន ចំពោះកូវីដ​១៩ ជាច្រើនលើកកន្លងមក ប៉ុន្តែថ្ងៃនេះបែរ​ជាធ្វើ​តេស្តរកឃើញវិជ្ជមានកូវីដ១៩​ទៅវិញ»។ លោកស្រី​ Katie Miller ក៏ធ្វើការនៅសេតវិមានផងដែរ​ ប៉ុន្តែលោកត្រាំប្រកាសថា លោក​មិនដែល​បានជួបនាងឡើយ។

បុគ្គលិក​សេតវិមាន ឆ្លងកូវីដ១៩ បង្កក្តីបារម្ភយ៉ាងខ្លាំង ពីការឆ្លងរាលដាលដល់មន្ត្រីជាន់ខ្ពស់ ក្នុងនោះមានប្រធានាធិបតី និង អនុប្រធានាធិបតី។ នៅពេលនេះបុគ្គលិកសេតវិមាន​បា នត្រូវពិនិត្យជាប្រចាំ ហើយត្រូវពាក់ម៉ាស់ជាប់ជានិច្ច។

បច្ចុប្បន្នចំនួនអ្នកឆ្លងកូវីដ​១៩ នៅលើពិភពលោក កើនឡើងដល់ទៅជាង​៤លាននាក់ហើយ និងមានអ្នកស្លាប់កើនឡើងជាង​២៧៥ពាន់​នាក់៕ ប្រែសម្រួលដោយ៖ MEO

from： https://tnaot.com/km/m/detail/article/9202597