ការទម្លាក់កំហុសពាក់ព័ន្ធនឹងកូវីដ​១៩របស់អាមេរិក​ទៅលើចិន គឺជាចេតនាតែប៉ុណ្ណោះ ហើយពេលនេះប្រទេស​ដែលជាសម្ព័ន្ធមិត្តអាមេរិក​បានដឹងពីការពិតហើយ។ប្រទេសអូស្ត្រាលី និងអាល្លឺម៉ង់ ដែលជាប្រទេសគាំទ្រតាមអាមេរិក បើកការស្រាវជ្រាវពីប្រភពកូវីដ១៩ ពេលនេះ​បែរមកសង្ស័យអាមេរិកវិញ​។ ការសង្ស័យកើតឡើងក្រោយពេលដែល​ រកឃើញថាក្រុមចារកិច្ច​អាមេរិកមានចេញតនា​ធ្វើឲ្យបែកធ្លាយ​ព័ត៌មាន​ចារកម្មថា កូវីដ​១៩ចេញពីមន្ទីពិសោធន៍របស់ចិន ដើម្បីជំរុញប្រទេសសម្ព័ន្ធមិត្តបើកការស្រាវជ្រាវចិន។

សារព័ត៌មានរ៉យទ័រ នៅថ្ងៃទី៨ ខែឧសភា បានដកស្រង់ ការផ្សាយរបស់ទស្សនាវដ្តីអាល្លឺម៉ង Der Spiegel បានដកស្រង់ប្រភព​ព័ត៌មាន​ចារកម្ម​អាល្លឺម៉ង់ បង្ហាញពីការសង្ស័យទៅលើការចោទប្រកាន់របស់អាមេរិក​ស្តីពីប្រភពកូវីដ​១៩។

បើតាមក្រុមចារកម្មអាល្លឺម៉ង់បានបង្ហាញការមន្ទិលសង្ស័យទៅលើការចោទប្រកាន់របស់អាមេរិក ថា កូវីដ១៩ចេញពីមន្ទីពិសោធរបស់ចិន។ ទាំងនោះជាចេតនារបស់អាមេរិក ក្នុងការបង្វែរការចាប់អារម្មណ៍ទៅលើចិន ទម្លាក់កំហុសទៅចិន ដើម្បីបង្វែរ​ខ្សែភ្នែកពិភពលោក​សំដៅទៅលើចិន ជាជាងសំឡឹងមើលភាពបរាជ័យរបស់អាមេរិក ក្នុងសង្គ្រាមប្រឆាំងកូវីដ។

ក្រុមចារកម្មអាល្លឺម៉ង់ បានត្រៀមផ្តល់របាយការណ៍ផ្លូវការឲ្យរដ្ឋមន្ត្រីការការពារជាតិអាល្លឺម៉ង់ លោកស្រីKramp-Karrenbauer ថា​ ការ​ចោទ​ប្រកាន់របស់អាមេរិក គឺមានចេតនា​ដើម្បីបង្វែទិសដៅ ចេញពីភាពបរាជ័យរបស់ប្រធានាធិបតីដូណាល់ត្រាំ​ ក្នុងសង្គ្រាមប្រឆាំងកូវីដ​១៩។

ជាមួយគ្នានេះដែរ ក្រុមចារកម្មអាល្លឺម៉ង់ បានស្នើដល់ ក្រុមចារកម្ម​ ភ្នែក ៥«Five Eyes »ផ្តល់ភស្តុតាង បញ្ជាក់ពីការពិត ។ កន្លងមក Five Eyes ​បានប្រកាសថា កូវីដ១៩ កើតចេញពីធម្មជាតិ មិនមែនចេញពីមន្ទីរពិសោធរបស់ចិនឡើយ។

ក្រៅពីអាល្លឺម៉ង់ ប្រទេសអូស្ត្រាលី ក៏បានបង្ហាញការសង្ស័យទៅលើអាមេរិកដូចគ្នា​ថា ជាយុទ្ធសាស្ត្ររបស់អាមេរិក ក្នុងការបង្វែចំណាប់​អារម្មណ៍​របស់សហគមន៍អន្តរជាតិ ទៅលើចិនច្រើនជាង អាមេរិក ៕ ប្រែសម្រួលដោយ៖ MEO

from： https://tnaot.com/km/m/detail/article/9202507