Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

អឺរ៉ុបប្រារពខួប៧៥ឆ្នាំថ្ងៃជ័យជម្នះលើរបបហ្វាស៊ីសដោយស្ងប់ស្ងាត់

ដោយសារតែកូវីដ១៩វាយប្រហារ បានធ្វើឲ្យពិធីអបអរសាទរ ថ្ងៃជ័យជម្នះលើរបបហ្វាស៊ីស នៅតំបន់អឺរ៉ុប ដែលធ្លាប់ធ្វើឡើងយ៉ាង​តែគគ្រឹកគគ្រេង តែពេលនេះបែរជាធ្វើឡើង ដោយស្ងាប់ស្ងាត់បំផុត។ ថ្ងៃទី​៩ ខែឧសភា ជាទិវាជ័យជម្នះលើកទី​៧៥ លើរបបហ្វាស៊ីស បញ្ចប់សង្គ្រាមលោកលើកទីពីរ។

នៅទីក្រុងប៊ែរឡាំង ប្រទេសអាល្លឺម៉ង់ ជាទីកន្លែង​ដែលកាលពី​៧៥ឆ្នាំបានចុះចាញ់ដោយគ្មានលក្ខខណ្ឌរបស់ទាហានហ្វាស៊ីស។ ប្រធានាធិបតី អាល្លឺម៉ង់​លោក Frank-Walter Steinmeier និងនាយករដ្ឋមន្ត្រី​ ​Angela Merkel ​ បានចូលរួមដាក់កម្រងផ្កា នៅ នៅស្តូបជនរងគ្រោះក្នុងរបបហ្វាស៊ីស។

ចំណែកនៅក្នុងប្រទេសអង់គ្លេសវិញ ព្រះមហាក្សត្រិយានី អាលីហ្សាប៊ែតទីពីរ ​បានថ្លែងសុន្ទរកថា តាមកញ្ចក់ទូរទស្សន៍ ដោយលើក​សរសើរដល់ពលរដ្ឋដែលបានពលីជីវិត ក្នុងសង្គ្រាមលោកលើកទីពីរ។ នាយករដ្ឋមន្ត្រីអង់គ្លេស លោក​ Boris Johnson ​ក៏បានអំពាវនាវ​ដល់ពលរដ្ឋអង់គ្លេស បង្ហាញពីសាមគ្គីភាព ដូចកាលពី៧៥ឆ្នាំមុន ដើម្បីយកឈ្នះក្នុងសង្គ្រាមប្រឆាំងនឹងកូវីដ​១៩។

ប្រធានាធិបតីបារាំង លោក ម៉ាក្រុង រួមទាំងមន្ត្រីរដ្ឋាភិបាល  បានដាក់កម្រងផ្កានៅស្តូបអនុស្សាវរីយ៍ នៅមហាវិថី​ Champes Elysees ។

ប៉ុន្តែ​អ្វីដែលគួរឲ្យចាប់អារម្មណ៍នៅពេលនេះ គឺថ្ងៃជ័យជម្នះលើរបបហ្វាស៊ីស មិនមានការដង្ហែរក្បួនព្យុហយាត្រា ដូចជាពេលមុនឡើយ ដោយសារតែកូវីដ​១៩ កំពុងវាយលុក នៅតំបន់អឺរ៉ុប​។ សហគមន៍អឺរ៉ុបបានអំពាវនាវដល់ពលរដ្ឋ រួមសាមគ្គី ដូចជាសម័យកាល នៃសង្គ្រាម ប្រដាប់អាវុធ ដើម្បីយកឈ្នះទៅលើសង្គ្រាមប្រឆាំងនឹងកូវីដ​១៩៕ ​ប្រែសម្រួលដោយ៖ MEO

from: https://tnaot.com/km/m/detail/article/9202434