ក្រៅពីរោគសញ្ញាគ្រុនក្តៅ ក្អក កណ្តាស់ និងថប់ដង្ហើមរួមទាំងរោគសញ្ញាផ្សេងទៀត មានគ្រូពេទ្យនៅក្រៅប្រទេសបានចាប់ផ្តើមរកឃើញថ្មីថា ជំងឺកូវីដ ១៩ មិនមែនមានរោគសញ្ញាតែប៉ុណ្ណឹងនោះទេ អាចនឹងចេញរោគសញ្ញាទាក់ទងនឹងប្រព័ន្ធសរសៃប្រសាទដែលត្រូវបានរកឃើញនៅលើអ្នកជំងឺឆ្លងវីរុសកូវីដ ១៩ ឬជំងឺរលាកផ្លូវដង្ហើមផងដែរ។

រូបតំណាង

យោងតាមសាស្ត្រាចារ្យវេជ្ជបណ្ឌិត  Thirawat Hemachudha  ជាប្រធានមជ្ឈមណ្ឌលវិទ្យាសាស្ត្រសុខាភិបាល នៃមហាវិទ្យាល័យវេជ្ជសាស្ត្រ របស់សាកលវិទ្យាល័យជូឡាឡុងកន បានមានប្រសាសន៍ថា រោគសញ្ញានៃអ្នកឆ្លងវីរុសនេះអាចពាក់ព័ន្ធនឹងប្រព័ន្ធសរសៃប្រសាទដែលត្រូវបានគេរកឃើញថាមានចំនួន ២៥% នៃអ្នកឆ្លងជំងឺកូវីដ ១៩ នេះ។

រូបតំណាង

រោគសញ្ញា និងចំនួនភាគរយនៃអ្នកកើតជំងឺនេះដែលត្រូវបានរកឃើញនោះរួមមាន៖ 

– វិលមុខមានចំនួន៩ ដល់ ១៧%

– ឈឺក្បាលមានចំនួន៦ ដល់ ១៣%

– ភ្លេចភ្លាំងមានចំនួន ៩%

– ការថយចុះកម្រិតស្មារតីមានចំនួន ៨%

– ជំងឺសរសៃប្រសាទមានចំនួន ៣%

– ការស្ទះសរសៃឈាមខួរក្បាលមានចំនួន ៥%

– ការដើរប្រកាច់ដាច់សរសៃឈាមខួរក្បាល និងជំងឺឈាមក្នុងខួរក្បាលមានចំនួន ០.៥%

– ស្បែកឡើងក្រហមប្រមាណចំនួន ២០%

– ជំងឹរលាកសន្លាក់ដែលត្រូវបានអង្គការសុខភាពពិភពលោក WHO រកឃើញ

– រាគ និងមានភាពមិនស្រួលនៅក្នុងប្រព័ន្ធរំលាយអាហារ

– ការរលាក និងហើមក្រហមម្រាមជើង (COVID TOE)។

រូបតំណាង

ទោះបីជាយ៉ាងណាក៏មានវេជ្ជបណ្ឌិតមួយរូបទៀត Jennifer Frontera ជាអ្នកជំនាញខាងផ្នែកសរសៃប្រសាទនៅ NYU Langone Health នៃសហរដ្ឋអាមេរិក បានណែនាំថារោគសញ្ញាសរសៃប្រសាទខាងលើនេះអាចបណ្តាលមកពីជំងឺផ្សេងៗទៀតដែលមិនមែនជារោគសញ្ញាឆ្លងនៃជំងឺកូវីដ ១៩ នោះទេ។ ដូច្នេះប្រសិនបើអ្នកមានរោគសញ្ញាទាំងនេះសូមកុំទាន់ភ័យព្រួយ ប្រសិនជាមិនច្បាស់អ្នកគួរតែទៅពិគ្រោះជាមួយវេជ្ជបណ្ឌិតដើម្បីទទួលបានការពិនិត្យត្រឹមត្រូវ។

ប្រែសម្រួលដោយ៖ Seyha

from： https://tnaot.com/km/m/detail/article/9201655