Sign In 
បណ្តាប្រទេសដែនកោះ នៃសមុទ្រប៉ាស៊ីហ្វិកខាងត្បូង កំពុងប្រឈមមុខនឹងជម្រើសដ៏ពិបាក រវាងការបើកអាជីវកម្មប្រកបដោយ មានគ្រោះថ្នាក់សម្រាប់ការទាក់ភ្ញៀវទេសចរ និងការដួលរលំផ្នែកសេដ្ឋកិច្ច។
រហូតមកដល់ពេលនេះ បណ្ដាប្រទេសនានា នៅជុំវិញពិភពលោក កំពុងតែថ្លឹងថ្លែង ថាតើនៅពេលណាបន្ធូរបន្ថយនូវការរឹតបន្ដឹង ដែល នឹងជួយឲ្យពលរដ្ឋមានការងារធ្វើ ប៉ុន្ដែវាប្រឈមនឹងការរីករាលដាល នៃមេរោគ។ សម្រាប់ការដោះដូរពាណិជ្ជកម្ម ប្រហែលជាបណ្ដាប្រទេស នៅលើដែនកោះ នៃប៉ាស៊ីហ្វិកខាងត្បូង ស្ទើរតែទាំងអស់ អាចនឹងបើកដំណើរការលើវិស័យឡើងវិញ។
ប្រទេសនៅលើដែនកោះ នៃសមុទ្រប៉ាស៊ីហ្វិក ចំនួន១២ នៅតែគ្មានមេរោគ ដែលភាគច្រើន គឺជាតំបន់ដាច់ស្រយាល នៅក្នុងមហាសមុទ្រ ហើយប្រទេសទាំងនោះបានបិទព្រំដែនរបស់ខ្លួន នៅពេលមើលឃើញកូវីដ១៩សម្លាប់មនុស្សអស់ជាច្រើន នៅលើពិភពលោក។ ក្នុងចំណោមប្រទេសនៅលើដែនកោះទាំងនោះ លើកលែងតែ Fiji ដែលមានការឆ្លងចំនួន១៨ករណី។
ទោះជាយ៉ាងនេះក្ដី អាជ្ញាធរបានចាត់ទុកថា ដែនកោះទាំងនោះ មិនមានមេរោគនេះទេ។ ដែនកោះទាំងនោះពឹងផ្អែកយ៉ាងខ្លាំងទៅលើវិស័យទេសចរណ៍។ តំបន់ខ្លះទទួលបានចំណូល ជាង៥០ភាគរយ នៃផលិតផលក្នុងស្រុកសរុប។ ប៉ុន្ដែចាប់តាំងពីការផ្ទុះឡើង នៃវិបត្ដិវីរុសនេះមក ជើងហោះហើរត្រូវបិទ សណ្ឋាគារក៏ត្រូវបោះបង់ចោល ទើបធ្វើឲ្យដែនដីទាំងនោះ ត្រូវបាត់បង់ប្រាក់ចំណូល។ ដូច្នេះអាជ្ញាធរកំពុងតែពិចារណា ក្នុងការបើកឲ្យដំណើរការលើវិស័យទេសចរណ៍នេះឡើងវិញ។
នាយករដ្ឋមន្រ្តីនូវែលហ្សេឡង់ លោកស្រី Jacinda Ardern បានថ្លែង បន្ទាប់ពីកិច្ចពិភាក្សា ជាមួយសមភាគីអូស្ត្រាលី លោក Scott Morrison ថា វាមានហានិភ័យដ៏ធំមួយ ប្រសិនបើរកឃើញកូវីដ១៩ នៅក្នុងបណ្តាប្រទេសកោះ នៅតំបន់ប៉ាស៊ីហ្វិក។ អូស្រ្ដាលីក៏បានប្រកាសដែរថា នឹងជួយបង្កើនការធ្វើតេស្ដដល់បណ្ដាដែនកោះទាំងនោះផងដែរ៕ ប្រែសម្រួលដោយNuon
