Sign In 
«សុំទោសដែលស្រលាញ់អូន» ជាចម្រៀងដែលចាក់ដោតចិត្តអ្នកគាំទ្រខ្លាំង ជាពិសេសអ្នកដែលមានចិត្តស្រឡាញ់គេ ទាំងដែលគិតថាគេស្រឡាញ់ខ្លួនវិញដូចគ្នា។
ក្រោយចេញជាចម្រៀង ប្រិយមិត្តជាច្រើនតែងទន្ទឹងរង់ចាំវិដេអូចម្រៀងជាផ្លូវការ ព្រោះគេពិតជាចង់ដឹងណាស់ថាតើសាច់រឿង នឹងការសម្ដែងល្អបែបណា បើអត្ថន័យចម្រៀងចាក់ដោតខ្លាំងបែបនេះទៅហើយ។
ជាក់ស្ដែងអ្វីដែលគ្រប់គ្នាកំពុងរង់ចាំនោះ ក៏បានមកដល់ ព្រោះវីដេអូចម្រៀងជាផ្លូវការនៃបទមួយនេះបានចេញលើបណ្ដាញសង្គមហើយ។ អ្វីដែលសំខាន់គឺមិនឲ្យអ្នកគាំទ្រខកចិត្តនោះទេ គឺថាសាច់រឿង ការសម្ដែង និងតួអង្គគឺពិតជាល្អមើល និងចូលអារម្មណ៍ខ្លាំងមែនទែន។
វីដេអូចម្រៀងនេះទើបចេញតែប៉ុណ្ណោះ តែទទួលបានការសរសរ និងពេញចិត្តជាខ្លាំង ព្រោះតួក៏ស្អាត ការសម្ដែងក៏ចូលតួ ហើយសាច់រឿងពិតជាល្អមើលខ្លាំងណាស់៕
អត្ថបទ៖ ផេង ផលធិតា
