Sign In 
នៅថ្ងៃទី៨ ខែឧសភា អគ្គលេខាធិការអង្គការសហប្រជាជាតិ លោក Antonio Guterres បានអំពាវនាវដល់បណ្តាប្រទេសទាំងអស់ បញ្ចប់សកម្មភាពនយោបាយ ទមា្លក់កំហុសដាក់គ្នា បង្កឲ្យមានវិវាទកាន់តែខ្លំាងឡើង។ ការទម្លាក់កំហុសដាក់គ្នា និងព័ត៌មានមិនពិតធ្វើឲ្យវិបត្តិកាន់តែធ្ងន់។
សកម្មភាពខាងលើបង្កឲ្យមានការរើសអើងជាតិសាស្ត្រ បានកើតឡើង រវាងទ្វីបអាស៊ី និងបណ្តាប្រទេសលោកខាងលិច។ បច្ចុប្បន្នបណ្តាប្រទេសលោកខាងលិច ក្នុងនោះមានអាមេរិក បានចោទប្រកាន់ថា វីរុសចេញពីបន្ទប់ពិសោធន៍របស់ចិន ហើយរាលដាលនៅទូទាំងពិភពលោក។ អាមេរិកក៏បានទាមទារឲ្យចិន ត្រូវតែទទួលខុសត្រូវសងសំណងទាំងឡាយ ដែលខាតបង់ដោយកូវីដ១៩។
អគ្គលេខាធិការអង្គការសហប្រជាជាតិ បានជំរុញឲ្យមានការសាមគ្គីគ្នា ដើម្បីទប់ស្កាត់ការឆ្លងរាលដាលកូវីដ១៩។ ការទម្លាក់កំហុសដាក់គ្នា មិនមែនជាដំណោះស្រាយឡើយ ហើយវាអាចធ្វើឲ្យស្ថានភាពកានតែតានតឹងថែមទៀត។
បច្ចុប្បន្នកូវីដ១៩ បានឆ្លងដល់មនុស្សជាង ៣,៩លាននាក់ និងស្លាប់កើនឡើងដល់ទៅជាង២៧០ពាន់នាក់ ក្នុងនោះអាមេរិក មានច្រើនជាងគេ ៕ ប្រែសម្រួលដោយ៖MEO
