នេះមិនមែនជាករណីដំបូងនោះឡើយ​ ហើយគ្រោះថ្នាក់ធ្លាក់យន្តហោះ​នេះបានកើតឡើង នៅក្នុងរដ្ឋមួយនេះរបស់ឥណ្ឌា។ កាលពីខែមុន ឧទ្ធម្ភាគចក្រ​ប្រភេទ Apache បានចុះចតបន្ទាន់​ ក្រោយ​មានបញ្ហាបច្ចេកទេស ។ 

ប៉ូលិស​ឥណ្ឌា ​បានបញ្ជាក់​ថា យន្តហោះចម្បាំង​របស់កម្លាំងជើងអាកាសឥណ្ឌា​មួយគ្រឿង​ បានធ្លាក់​នៅក្នុងស្រុក Hoshiarpur ខេត្ត Punjab។ 

ប្រភពបានបញ្ជាក់ថា អាកាសយានិក​បាន​រំដោះខ្លួន​ ចេញពីយន្តហោះ​ មុនពេលធ្លាក់មកដល់ដី។ នៅពេលភ្លាមៗនោះ គេមិនទាន់មាន​ព័ត៌មាន​ផ្លូវការ​​ទាក់ទង​ហេតុការណ៍មួយនេះទេ។  កងកម្លាំងយោធា​នៅមិនទាន់ បញ្ជាក់​នៅឡើយថា តើអាកាសយានិក​មានសុវត្ថិភាព​ឬគ្រោះថ្នាក់បែបណាឡើយ ។ មូលហេតុ​​នៃយន្តហោះនេះធ្លាក់ ក៏នៅមិនទាន់ដឹង​នោះដែរ។ 

វីដេអូបានផ្សព្វផ្សាយ​ នៅលើបណ្តាញ Twitter ពីទីតាំងយន្តហោះនោះធ្លាក់ ។ មនុស្ស​ចោមរោមមើល​ហេតុការណ៍នេះ ខណៈដែល​យន្តហោះ​ត្រូវភ្លើងឆេះ​នៅសល់​តែគ្រោងដែក ។ ផ្សែងខ្មួលខ្មាញ់​បាញ់ទៅលើលំហអាកាស ។ កម្ទេចកម្ទី​បំណែក​ នៃយន្តហោះរបាត់រប៉ាយ​ពាសពេញ​ នៅជុំវិញកន្លែងកើតហេតុនោះ៕ ប្រែសម្រួលដោយ៖ thach yat

from： https://tnaot.com/km/m/detail/article/9201165