លោក Miroslav Klose ត្រូវបានតែងតាំងជាជំនួយការថ្មីរបស់លោក Hansi Flick គ្រូបង្វឹកក្លិប Bayern Munich ។

លោក Klose ដែលជាអតីតខ្សែប្រយុទ្ធក្រុមជម្រើសជាតិអាល្លឺម៉ង់រូបនេះបានចុះកុងត្រារយៈពេល ១ ឆ្នាំជាមួយក្លិប Bayern ហើយលោកនឹងក្លាយជាជំនួយការរបស់ លោក Flick ចាប់ពីថ្ងៃទី១ ខែកក្កដា តទៅ។

Klose បានចូលនិវត្តន៍ពីវិស័យបាល់ទាត់ក្នុងឆ្នាំ២០១៦ លោកធ្លាប់ឈ្នះពានរង្វាន់ជាច្រើនជាមួយ Bayern ដោយរួមមានដូចជា Bundesliga ចំនួន ២ លើក និងពានរង្វាន់ DFB-Pokal ចំនួន ២ លើកផងដែរ។

ក្នុងអាជីពជាកីឡាករបាល់ទាត់ លោក Klose ធ្លាប់លេងឱ្យក្លិបដូចជា Werder Bremen, Bayern Munich និង Lazio។ ក្រោយមកលោកបានក្លាយជាគ្រូបង្វឹកថ្នាលយុវជនអាយុក្រោម ១៧ ឆ្នាំរបស់ Bayern មុនចុះហត្ថលេខាក្លាយជាជំនួយការគ្រូបង្វឹកឈុតធំនៅពេលថ្មីៗនេះ៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9200498