រោងភាពយន្តនៅទូទាំងទីក្រុងហុងកុងត្រូវបានផ្តល់ការអនុញ្ញាតឱ្យបើកដំណើរការម្តងទៀតនៅចុងសប្តាហ៍នេះបន្ទាប់ពីរដ្ឋាភិបាលក្នុងតំបន់បានប្រកាសពីផែនការរបស់ខ្លួនដើម្បីបន្ធូរបន្ថយការរឹតបន្តឹងលើវិធានការនៅដាច់ដោយឡែកក្នុងកំឡុងពេលមានជំងឺរាតត្បាតឆ្លងវីរុសកូរ៉ូណា។

យោងតាមប្រភពព័ត៌មានពីកាសែត Hollywood Reporter បានអោយដឹងថាប្រធាននាយកប្រតិបត្តិលោកស្រី Carrie Lam បានប្រកាសព័ត៌មានកាលពីរសៀលថ្ងៃអង្គារ ទី៥ ខែឧសភានេះបន្ទាប់ពីបានជួបប្រជុំជាមួយក្រុមប្រឹក្សាប្រតិបត្តិហុងកុង។ លោកស្រីបាននិយាយថាចាប់ពីថ្ងៃសុក្រនេះរោងកុននៅហុងកុងនឹងត្រូវបានអនុញ្ញាតឱ្យបើកទ្វារសម្រាប់អាជីវកម្មដរាបណាពួកគេសហការជាមួយការប្រុងប្រយ័ត្នសុវត្ថិភាពជាក់លាក់ដើម្បីបន្តកាត់បន្ថយការរីករាលដាលនៃវីរុស Covid-19។

វិធានការណ៍សុវត្ថិភាពដែលមានជាអាទិ៍រួមមានតម្រូវការរពាក់ម៉ាស់ ការត្រួតពិនិត្យសុខភាពញឹកញាប់និងសីតុណ្ហភាពនិងការរៀបចំកន្លែងអង្គុយជាបណ្តោះអាសន្នដែលអតិថិជនមិនធ្វើដំណើរជាមួយគ្នានឹងនៅឆ្ងាយពីគ្នាពីមួយទៅមួយ។ ទោះបីជាមានការបើកដំណើរការជាថ្មីនៅហុងកុងក៏ដោយក៏រោងភាពយន្តទាំងអស់នៅចិនដីគោកនៅតែបិទទ្វារដដែល៕

from： https://tnaot.com/km/m/detail/article/9200340