បុរសជនជាតិអាល្លឺម៉ង់ម្នាក់អាយុ ៦០ឆ្នាំត្រូវបានគេប្រទះឃើញដេកស្លាប់ដោយមានស្នាមរបួស​នៅលើដើមទ្រូងនៅខាងក្នុងផ្ទះមួយ​ក្នុងស្រុក Muang នៃខេត្ត Prachin Buri  កាលពីព្រឹកថ្ងៃពុធ។

​

នៅបន្ទប់ទីមួយនៃផ្ទះកើតហេតុ ប៉ូលិសនិងវេជ្ជបណ្ឌិតមកពីមន្ទីរពេទ្យក្នុងស្រុក​បានរកឃើញសាកសពជនជាតិអាល្លឺម៉ង់ (មានឈ្មោះថា ​withheld) ដេកនៅលើគ្រែដោយស្លៀកតែខោខ្លីប៉ុណ្ណោះ។ គាត់ត្រូវបានគេចាក់ចំដើមទ្រូងនៅផ្នែកខាងក្រោមបេះដូង។ កាំបិតដែលប្រឡាក់ដោយឈាមត្រូវបានគេរកឃើញនៅក្បែរខ្លួនរបស់ជនរងគ្រោះ។ អ្នកជិតខាងម្នាក់បាននិយាយថាបុរសជនជាតិអាល្លឺម៉ង់នេះជាគ្រូបង្រៀនភាសាអង់គ្លេសនៅសាលាភាសាមួយក្នុងខេត្តPrachin Buri។ អ្នកជិតខាងបន្តថា គេឧស្សាហ៍ឃើញប្រពន្ធរបស់ជនរងគ្រោះទៅលេងគាត់ជាញឹកញាប់ ហើយប្រពន្ធរបស់គាត់នោះហើយដែលជាអ្នកប្រទះឃើញសាកសពជនរងគ្រោះ។ ប្រពន្ធជនរងគ្រោះបាននិយាយថា ប្តីរបស់នាងបានទូរស័ព្ទមកនាងកាលពីថ្ងៃអង្គារដោយនិយាយថាម្តាយ​គាត់ទើបតែផ្ញើប្រាក់ចំនួន ៤០០០០បាត មកពីប្រទេសអាល្លឺ​ម៉ង់ហើយសុំឱ្យនាងទៅយកប្រាក់នោះជាមួយគាត់ដែរ។ នៅពេលនាងមកដល់ផ្ទះប្តីរបស់នាងនៅព្រឹកថ្ងៃពុធ នាងបានឃើញសាកសពប្តីដេកស្លាប់នៅនឹងកន្លែងកើតហេតុបាត់ទៅហើយ។

បច្ចុប្បន្នប៉ូលិសកំពុងស៊ើបអង្កេតរឿងឃាតកម្មមួយនេះ ហើយសាកសពរបស់​ជន​ជាតិអាល្លឺម៉ង់នោះត្រូវបានបញ្ជូនទៅធ្វើកោសល្យវិច័យ។

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9199177