កាលពីថ្ងៃពុធប៉ូលិសបានចាប់ខ្លួនបុរស ៤នាក់ពីបទបាញ់សម្លាប់មន្រ្តីការពារព្រៃឈើម្នាក់នៅឯដែនជម្រកសត្វព្រៃ​Sap Langkaក្នុងស្រុក​Lam Sonthi​នៃខេត្តLop Buri។

រូបតំណាង

លោកឧត្តមសេនីយ៍ទោ Thanayuth Wuthicharasthamrong ស្នងការរងនៃស្នងការដ្ឋាននគរបាលខេត្ត​​Lop Buri​ត្រួតពិនិត្យ​នៅតាមតំបន់ទំនាបកណ្តាលបាននិយាយថា បុរសដែលត្រូវបានចាប់ខ្លួនគឺជាប្រជាជនដែលរស់នៅក្នុងតំបន់ tambon Kut Ta Phet ស្រុកLam Sonthi។ បុរសដែល​គេចោទប្រកាន់ថាជនដៃដល់ត្រូវបានគេស្គាល់ឈ្មោះថា Thes Netsangsri, Boonlue Saikhun, Warawut Thuasanit និង Boonlome Jullanak។ លោកឧត្តមសេនីយ៍ទោ Thanayuth មិនបានប្រាប់ពីរបៀបដែលប៉ូលិស​ចាប់បានខ្លួនពួកគេទាំង ៤នាក់នោះទេ។ ​ប៉ូលិសបាននិយាយថា ជនដៃដល់ត្រូវបានគេចាប់បាននៅក្នុងតំបន់មួយដែលនៅជិតដែនជម្រកសត្វព្រៃ ហើយពួកគេបានសារភាពថាបានសម្លាប់លោក ​Khuan Chaiprasert ដែលជាមន្ត្រីការពារព្រៃឈើនៅដែនជម្រកសត្វព្រៃ។ ​ជនសង្ស័យ​បានសារភាពថា ពួកគេបានបាញ់ទៅលើមន្រ្តីការពារព្រៃឈើគឺដើម្បីគេចពីការចាប់ខ្លួនខណៈពេលកំពុងបរបាញ់សត្វព្រៃខុសច្បាប់។ កាលពីថ្ងៃពុធ ប៉ូលិស​បានវិលត្រឡប់ទៅកន្លែង​កើតហេតុម្តងទៀតដើម្បីប្រមូលភស្តុតាងបន្ថែម។ 

​

រូបតំណាង

កាលពីថ្ងៃអង្គារលោកនាយករដ្ឋមន្រ្តី ប្រាយុធចាន់អូចា បានបញ្ជាឱ្យប៉ូលិសក្នុងតំបន់​ចាប់ខ្លួនជនដៃដល់មកផ្តន្ទាទោសឱ្យបានឆាប់តាមដែលអាចធ្វើទៅបាន។ នាយករដ្ឋមន្តី្រក៏បានសម្តែងការចូលរួមរំលែកទុក្ខយ៉ាងក្រៀមក្រំចំពោះក្រុមគ្រួសារសព​ ហើយលោកបានសរសើរជនរងគ្រោះចំពោះការលះបង់របស់គាត់ដើម្បីការពារធម្មជាតិ។ 

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9198783