ការិយាល័យគណៈកម្មការអប់រំមូលដ្ឋាន ( Obec ) បានអនុញ្ញាតឱ្យសាលានីមួយៗសម្រេច ថាតើសាលាគួរតែបើកឡើងវិញនៅថ្ងៃទី១ ខែកក្កដា ឬប្រើ​ប្រាស់​ទូរទស្សន៍សិក្សាពីចម្ងាយ (DLTV) និងការសិក្សាតាមអ៊ីនធឺណិត។ 

អគ្គលេខាធិការ Obec លោក Amnat Wichayanuwat បានមានប្រសាសន៍ថា« យើងបានសម្រេចចិត្តអនុញ្ញាតឱ្យសាលានីមួយៗ​សម្រេចចិត្តដោយខ្លួនឯងថាគួរបើកសាលារៀនវិញនៅពេលណា ដោយគិតពីសុវត្ថិភាពរបស់សិស្សជាកត្តាចម្បង»។ លោក Amnat បានបន្ថែមថា សាលារៀនដែលចង់បើកឡើងវិញត្រូវតែទទួលបានការអនុញ្ញាតពីអភិបាលខេត្តរបស់ពួកគេ។

រូបតំណាង

លោកបានបន្តថា «ប្រសិនបើហានិភ័យនៃវីរុសកូរ៉ូណាមានកម្រិតទាបខ្លាំងនៅក្នុងតំបន់របស់ពួកគេ នោះសាលាអាចនឹងបើកដំណើរការវិញបាន»។

ឧទាហរណ៍ថា ប្រសិនបើវីរុសនៅតែបង្កហានិភ័យខ្ពស់ យើងអាចរៀបចំឱ្យសិស្សប្តូរវេនគ្នាចូលរៀនបាន។ ប្រសិនបើមានសិស្ស ៣០ នាក់ក្នុងមួយបន្ទប់ ដូច្នេះមានសិស្សតែ ១០នាក់ប៉ុណ្ណោះដែល​ត្រូវបានអនុញ្ញាតឱ្យចូលរៀនក្នុងពេលតែមួយ ខណៈពេលដែលសិស្ស ២០នាក់ផ្សេងទៀតរង់ចាំរៀននៅពេលបន្ទាប់​។ ម៉្យាងវិញទៀតសាលារៀននឹងតម្រូវឱ្យគ្រូនិងសិស្សទាំងអស់អនុវត្តគោលការណ៍របស់ក្រសួងផងដែរដូចជា ត្រួតពិនិត្យសីតុណ្ហភាពរាងកាយ ​សម្អាតដៃឱ្យបានញឹកញាប់ និងពាក់ម៉ាស់ជាដើម។

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9196817