Sign In 
នៅក្នុងរឿងភាគកូរ៉េ តារាសម្ដែងខាងក្រោមនេះលេចមុខស្ទើរតែអ្នកតាមដានមួយណាក៏ស្គាល់ដែរ រហូតអាចនិយាយថាគ្រាន់តែក្រឡែកក៏ស្គាល់។ លើសពីនេះ តួអង្គនីមួយៗក៏មានចរិតដែលជាចំណុចចាប់អារម្មណ៍របស់អ្នកគាំទ្រ។ តោះ! ទៅស្គាល់តួអង្គទាំងនោះទាំងអស់គ្នា៖
១. Kim Mi Kyung
តារាជើងចាស់ Mi Kyung ភាគច្រើនសម្ដែងជាតួអង្គម្ដាយ ដែលពោរពេញទៅដោយភាពកក់ក្ដៅ។
២. Sung Dong Il
តារាប្រុសរូបនេះ សម្ដែងជាតួឪពុក ដែលពូកែកូរកូនរឿងនេះរឿងនោះ ប៉ុន្តែតួឪពុករូបនេះតែងលួចបារម្ភពីគ្រួសារមិនចង់ឲ្យគ្រប់គ្នាដឹងទេ។
៣. Nam Da Reum
Da Reum ឧស្សាហ៍សម្ដែងគឺជាតួពីក្មេងរបស់តួប្រុសកាលពីអតីតកាល។
៤. Kang Ki Young
បើក្រឡេកទៅមើល Ki Young ក៏កម្របាត់មុខយូរពីវិស័យភាពយន្តដែរ ហើយភាគច្រើនគឺឃើញមុខលោកតែម្ដង។ Ki Young គឺជាតួបែបកំប្លែង ព្រោះថាតារារូបនេះពូកែបំផុតខាងលេងទឹកមុខ។
៥. Jang Hyun Sung
ឯតារាជើងចាស់ម្នាក់នេះ ជាទូទៅលោកតែងត្រូវអ្នកដឹកនាំតម្រូវឲ្យដើរតួជាអ្នកដែលពូកែគាំទ្រ លើកទឹកចិត្ត ផ្ដល់ដំបូន្មានល្អៗ និងជាមនុស្សដែលម៉ឹងម៉ាត់ ចូលចិត្តជួយឈឺឆ្អាលអ្នកដទៃ។
៦. Kim Won Hae
តារាប្រុសរូបនេះ សម្ដែងបានច្រើនតួណាស់ ទាំងតួខូច តួកំប្លែងចូលគ្នា ប៉ុន្តែឲ្យតែលេចមុខលោក អ្នកមើលរឿងភាគកូរ៉េដឹងតែពេញចិត្ត។
៧. Jo Jae Yoon
Jae Won ឧស្សាហ៍សម្ដែងជាងគេក៏មិនទៅណាឆ្ងាយពីតួកំប្លែងដែរ ហើយវត្តមានរបស់លោកពិតជាក្លែមរឿងកាន់តែគយរឲ្យចង់មើល។
៨. Jeong Jae Sun
លោកស្រី Jeong Jae Sun ក៏តែងត្រូវគេអញ្ជើញឲ្យសម្ដែងជាតួលោកយាយដ៏គួរឲ្យស្រឡាញ់ម្នាក់ដែរក្នុងរឿងកូរ៉េជាច្រើន។
៩. Um Hyo Seob
លោក Um Hyo Seob ជាអ្នកដែលសម្ដែងតួជាច្រើនប្រភេទនាពេលកន្លងមកសម្រាប់អាជីពសិល្បៈរបស់លោក តែភាគច្រើន លោកសម្ដែងជាតួឪពុកដែលតែងផ្ដល់ភាពកក់ក្ដៅដល់កូនៗ។
១០. Kim Kwang Kyu
លោក Kim Kwang Kyu ទូទៅគឺសម្ដែងជាតួអង្គបែបកំប្លែង ដែលតែងធ្វើឲ្យអ្នកតាមដានមានរឿងសើចមិនចេះចប់់។
ដូច្នេះហើយអ្នកដែលតែងតែមើលរឿងកូរ៉េនោះច្បាស់ណាស់នឹងស្គាល់តារាសម្ដែងទាំងនេះជាមិនខាន៕
ប្រភព៖ Koreaboo
