នៅចក្រភពអង់គ្លេស អ្នកបាត់បង់ជីវិត​ ដោយសារតែជំងឺកូរ៉ូណាវីរុស​ប្រភេទថ្មី ឬកូវីដ១៩ (COVID-19)នោះ​ បាន​កើនដល់​ ៣២ ០០០ នាក់ ក្លាយ​ជាចំនួន​ច្រើន​បំផុត​ទីពីរ បន្ទាប់ពីសហរដ្ឋអាមេរិក។ 

ទិន្នន័យនេះ​ចេញផ្សាយ ដោយមន្ត្រី​ចក្រភពអង់គ្លេស​ កាលពីថ្ងៃទី៥ ខែឧសភា ឆ្នាំ២០២០ ។ តួលេខ​ប្រចាំថ្ងៃ​របស់រដ្ឋាភិបាល​ បញ្ជាក់ថា នាពេលបច្ចុប្បន្ននេះ អ្នកជំងឺ​កូវីដ​១៩ បានបាត់បង់ជីវិត សរុប ២៩ ៤២៧ នាក់ ខុសគ្នា​ពីតួលេខរបស់ការិយាល័យស្ថិតិជាតិ (ONS) និង​ស្ថាប័នសុខាភិបាល ។

អ្នកជំងឺ​បានបាត់បង់ជីវិតកើន​ខ្ពស់ជាង​អត្រា​មរណភាព ​នៅប្រទេស​អ៊ីតាលី​​ ដែលកាលពីថ្ងៃទី៥ ខែឧសភា មានសរុប ២៩ ៤២៧ នាក់ ។ ដូច្នេះ​ចក្រភពអង់គ្លេស​រងគ្រោះលំដាប់ទីពីរ​ បន្ទាប់ពី​អាមេរិក ដែលមានអ្នកស្លាប់ច្រើន​បំផុត​ដោយសារកូវីដ​១៩ នៅលើពិភពលោក។ 

បើតាមការចេញផ្សាយ​របស់ប្រភព CNA នៅថ្ងៃទី​៦ ខែឧសភា ឆ្នាំ​២០២០ បញ្ជាក់ថា សហរដ្ឋអាមេរិក​មានអ្នកបាត់បង់ជីវិត​ ជិត ៦៩ ០០០ នាក់ ដោយសារតែជំងឺរាតត្បាតនេះ ។ 

គួរបញ្ជាក់ថា វីរុស​កូវីដ​១៩ នៅជុំវិញពិភពលោក រហូតមកដល់ថ្ងៃទី​៦ ខែឧសភា ឆ្នាំ២០២០ បើតាមប្រភព​ Worldometers អះអាងថា បាន​កើន​ឡើង ៣ ៧២៧ ៣០១ នាក់ ក្នុងនោះបាត់បង់ជីវិត ២៥៨ ៣២៦ នាក់ និងជាសះស្បើយ​ ១ ២៤១ ៩៣១ នាក់។ 

អាមេរិកជាប្រទេសរងគ្រោះខ្លាំងជាងគេបំផុត​ ដោយមានអ្នកឆ្លងវីរុសនេះ មានសរុប ១ ២៣៧ ៦៣៣ នាក់, អេស្ប៉ាញ​ មានអ្នកឆ្លង ២១៩ ៣២៩ នាក់, អ៊ីតាលី មានអ្នកឆ្លង ២១៣ ០១៣ នាក់ និងចក្រភពអង់គ្លេស​ មានអ្នកឆ្លង​ ១៩៤ ៩៩០ នាក់ ៕ ប្រែសម្រួលដោយ៖ thach yat

from： https://tnaot.com/km/m/detail/article/9196016