Sign In 
ព្រឹទ្ធសភាបារាំង កាលពីថ្ងៃទី៤ ខែឧសភា បានច្រានចោលគម្រោងលុបច្បាប់គម្លាតសង្គមរបស់រដ្ឋាភិបាល ដោយសារតែស្ថានភាពកូវីដ ១៩ នៅក្នុងប្រទេសនេះ មិនទាន់ល្អប្រសើរនៅឡើយ។
បណ្តាសមាជិកព្រឹទ្ធសភាបារាំងបានស្នើដល់រដ្ឋាភិបាល ឲ្យត្រួតពិនិត្យឡើងវិញ ៊ពីការលុបច្បាប់ ថាតើបានធានាដល់សុវត្ថិភាពរបស់ពលរដ្ឋដែរឬទេ? បើតាមគម្រោង នៅថ្ងៃទី១១ ខែឧសភា បារាំងនឹងចាប់ផ្តើមបើកសាលារៀនឡើងវិញ ក៏ដូចជា ដំណើរការស្ថានប័នផ្សេងៗរបស់រដ្ឋ។ 
បើតាមតួលេខ គិតមកដល់ថ្ងៃទី៥ ខែឧសភា មានអ្នកស្លាប់ដោយកូវីដ១៩កើនឡើងដល់ទៅជាង២៥ពាន់នាក់ និងឆ្លងជាង១៦៩ពាន់នាក់។ បច្ចុប្ប នៅមានអ្នកជំងឺកំពុងសម្រាកព្យបាល ជាង២៥ពាន់នាក់ ក្នុងនោះមានជិត៣៧០០នាក់ ត្រូវមើលថែយ៉ាងពិសេស។
ជាមួយគ្នានេះដែរ ក្រុមហ៊ុនអាកាសចរណ៍បារាំង បានត្រៀមលក្ខណៈហោះហើរ នៅថ្ងៃទី១១ ខែឧសភា ហើយអ្នកដំណើរទាំងអស់ ត្រូវតែ ពាក់ម៉ាស់ការពារជាចំាបាច់។
ក្រៅពីប្រទេសបារាំង ក៏មានប្រទេសជាច្រើននៅក្នុងតំបន់អឺរ៉ុប កាត់បន្ថយការរឹតត្បិត ក្នុងនោះបានហាមប្រាមមនុស្សមានវ័យ ចាប់ពី៦៥ឆ្នាំឡើង កាត់បន្ថយការធ្វើដំណើរ នៅក្រៅផ្ទះ។ ចំណែកមនុស្សមានមានវ័យ ចាប់ពី២០ឡើងទៅ មានសិទ្ធិដើរទៅចេញក្រៅបានជាធម្មតា៕ ប្រែសម្រួលដោយ៖MEO
