ប្រធានក្លិបបាល់ទាត់ Fiorentina លោក Rocco Commisso បានឱ្យដឹងថា លោកមានការពេញចិត្តឱ្យខ្សែប្រយុទ្ធជួរមុខរបស់ខ្លួនគឺ កីឡាករ Federico Chiesa ចាកចេញ ប្រសិនបើក្លិបណាមានចំណាប់អារម្មណ៍ចង់បាន ខណៈពេលដែលក្លិបបាល់ទាត់សេះបង្កង់ Juventus កំពុងដាក់ខ្សែប្រយុទ្ធសញ្ជាតិអ៊ីតាលីរូបនេះជាបេក្ខភាពទិញចូលនៅរដូវក្តៅខាងមុខ។

Chiesa កើតចេញពីថ្នាលយុវជនរបស់ Fiorentina ហើយបានអភិវឌ្ឍន៍ខ្លួនលេងឱ្យក្រុមឈុតធំនៃលីគកំពូលអ៊ីតាលី Serie A នៅក្នុងឆ្នាំ២០១៦។ សម្រាប់រដូវកាលនេះ រូបគេបានបង្ហាញខ្លួនឱ្យក្លិបចំនួន ២៣ ប្រកួត ទាត់បញ្ចូលទីចំនួន ៦ គ្រាប់ និងប៉ះបាល់ឱ្យមិត្តរួមក្រុមបញ្ចប់ទីបាន ៣ លើកផងដែរ។

យ៉ាងណាមិញ ក្រោយបង្ហាញទម្រង់លេងល្អ ខ្សែប្រយុទ្ធរូបនេះក៏បានទាក់ទាញចំណាប់អារម្មណ៍ពីក្លិបដទៃជាច្រើនទៀតផងដែរ ដោយរួមមានដូចជា ក្លិបបាល់ទាត់ Inter-Milan, Manchester United និង Chelsea  ដែលសុទ្ធតែមានបំណងចង់ផ្តល់កុងត្រាឱ្យកីឡាកររូបនេះ នៅក្នុងរដូវកាលដោះដូរកីឡាកររដូវក្តៅបើកទ្វារនាពេលខាងមុខ៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9194404