ប្រិយមិត្តប្រាកដជាបានស្គាល់រួចមកហើយថា បេក្ខនារី ម៉ង់ ចាន់កញ្ញា អាចរាប់ចាត់ទុកគឺជើងខ្លាំងមួយរូប ក្នុងចំណោមបេក្ខជន បេក្ខនារីជាច្រើនរូបផ្សេងទៀត ដែលអាចឈានចូលមកដល់វគ្គ Live Show ក្នុងសប្តាហ៍ទី៧ ក្នុងកម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូលកាលទីពីរ។

ប៉ុន្តែអ្វីដែលកាន់តែគួរអោយចាប់អារម្មណ៏នោះគឺ តារាចម្រៀងពោលពេញដោយពហុជំនាញរូបនេះ គឺនាងកំពុងរៀនជំនាញបញ្ចូលសំឡេងបន្ថែមមួយមុខទៀត ធ្វើឱ្យអ្នកគាំទ្ររបស់នាងមានការភ្ញាក់ផ្អើលយ៉ាងខ្លាំង ដោយនាងមិនត្រឹមតែចេះច្រៀងតែមួយមុខនោះទេ ថែមទាំងអាចបញ្ចូលសម្លេងតាមចរិតតួអង្គបានច្រើនផងដែរ។

ជាមួយគ្នានេះដែរ មហាជននិងអ្នកគាំទ្ររបស់នាងនៅពុំទាន់ដឹងថា តើកញ្ញា ម៉ង់ ចាន់កញ្ញា កំពុងត្រៀមចាប់យកអាជីពបញ្ចូលសំឡេងបន្ថែមទៅថ្ងៃមុខឫមួយយ៉ាងណានោះទេ ស្របពេលអាជីពជាតារាចម្រៀងរបស់នាងកំពុងតែទទួលបានការគាំទ្រយ៉ាងច្រើនពីសំណាក់មហាជន៕

from： https://tnaot.com/km/m/detail/article/9194393