Sign In 
បន្ទាប់ពីតារាចម្រៀង Zayn Malik វិលត្រឡប់មកមានទំនាក់ទំនងស្នេហាជាមួយតារាម៉ូដែលនាង Gigi Hadid ជាថ្មីម្ដងទៀត ក្រោយពីអ្នកទាំងពីរធ្លាប់បានចែកផ្លូវគ្នាប៉ុន្មានដងរួចមកហើយ។
អ្វីដែលកាន់តែពិសេសសមាជិក One Direction រូបនេះ កំពុងត្រៀមខ្លួនក្លាយជាប៉ាៗរបស់គេ ព្រោះនៅសល់មិនប៉ុន្មានខែទៀតគូស្នេហ៍របស់ Zayn នាង Gigi នឹងដល់ថ្ងៃខែត្រូវសម្រាលកូនដំបូងរបស់ពួកគេទាំងពីរហើយ។
គួរបញ្ជាក់ផងដែរថា វត្តមានកូនដំបូងរបស់តារាបរទេសទាំងពីរនេះជាកូនស្រី ដែលអាចនឹងសម្រាលក្នុងកំឡុងខែ តុលា នេះបើតាមពាក្យសម្តីនាង Gigi នៅក្នុងគេហទំព័រ KOIN។ លើសពីនេះ ទៅទៀតកាលពី Zayn និង Gigi បានបណ្តើរគ្នាក្នុងកម្មវិធីមួយជាមួយគ្នា Gigi បានបន្ថែមថា «រយៈពេលមានបញ្ហាកូវីដ ១៩បែបនេះ នាងបានត្រៀមខ្លួនរួចជាស្រេច ដើម្បីនៅផ្ទះថែទាំសុខភាពរបស់នាងអោយបានល្អ កំឡុងពេលពពោះ»។
ទោះបីទំនាក់ទំនងស្នេហារបស់ពួកគេទាំងពីរ ធ្លាប់ឆ្លងកាត់ការបែកបាក់គ្នាជាច្រើនលើកហើយក៏ពិតមែន ប៉ុន្តែតារាលំដាប់ប្រទេសទាំងពីរដួងនេះ បានវិលមកសាងភាពផ្អែមល្ហែមជាមួយគ្នាម្ដងទៀត និងត្រៀមខ្លួនក្លាយជាឪពុកម្តាយគេរួចជាស្រេចផងដែរ៕
